Eusko Jaurlaritzak Durangorekin "240.000 euroko zorra" duela kritikatu du EH Bilduk
ETSk (Eusko Jaurlaritzaren enpresa) Durangorekin "239.667,45 euroko zorra" duela kritikatu du EH Bilduk.
Koalizioak jakitera eman duenez, 2012an lehen trenbidea zegoen tokia eremu urbanizagarri izatera pasa zen, beraz, ordutik aurrera ETSk 60.000 metro karratuengatik Ondasun Higiezinen Zerga ordaindu beharko zuen, urtean 47.933,46 euro.
"ETSk ez du ezer ordaindu 2012az geroztik, beraz, Bizkaiko Diputazioari beharrezko tramiteak egin ditzan eskatu gura diogu Eusko Jaurlaritzak gainontzeko jabeek bezala OHZ ordain dezan" salatu dute EH Bilduko kideek.
"Ezin diegu herritarrei zergak ordaintzea eskatu eta gero beste alde batera begiratu ETS bezalako erakunde publiko batek ordaintzen ez duenean" gaineratu dute koaliziako kideek.
Albiste hau Anbotok argitaratu du eta CC-by-sa lizentziari esker ekarri dugu ARGIAra.
Jaime Gómez-Obregón ingeniariak oso tresna baliagarria sortu du Jaurlaritzaren diru publikoaren erabileraz gehiago jakiteko. 2018tik 2022ra erakunde horrek hedabideen artean banatu dituen publizitate kanpaina guztien datuak prozesatu, aletu eta era ulergarrian... [+]
Herriko festetan, zezenak erabiltzen dituzten ekitaldietan udalek zenbat diru gastatzen duten ikertu dute AnimaNaturalis eta CAS International elkarteek. Hego Euskal Herriko datuei erreparatuz gero, Azkoien eta Azpeitia nabarmendu dituzte.
Euskarazko hedabideei euskara sustatzeagatik legez dagokien dirulaguntzak Eusko Jaurlaritzarekin negoziatzen luze aritu da Hekimen, Euskal Hedabideen Elkartea. Baina euskarazko komunikabideentzat lortutako dirulaguntza nahikoa ez den bitartean sektorea egonkortzeko, 6 milioi... [+]
Donostiako udalbatzak legegintzaldiko azken ikasturteari hasiera ematen dioten ondasunen aitorpena aurkeztu du Gipuzkoako Aldizkari Ofizialean. Donostiako alkateak eta zinegotziek adierazi dute 24 etxebizitza dituztela –jabetzan edo partekatutako titulartasunean–, 9... [+]
Eusko Jaurlaritzak uztailaren 5ean egindako Gobernu Bileran erabaki zuen Kultura eta Hizkuntza Politika sailaren bitartez 15.000 euroko diru-laguntza ematea Elkano Fundazioari.