Ganbara datu-basea aurkeztu dute, online eta doakoa, euskarazko zinemaren gordailu izateko jaioa. Dagoeneko, 200dik gora film, ikus-entzunezko sektoreko 50 bat enpresa eta 400 profesional baino gehiagoren fitxak kontsulta daitezke, baita haiekin lotutako albiste eta kritikak ere, baina epe luzera sortutako egitasmoa da: etengabe osatzen eta betetzen joango den artxibategia.
Informazio iturria izateaz gain, euskal zinemagintzaren kontsumoa indartzea ere badu xede. “Ez hori bakarrik, aldatu egingo du zinea kontsumitzeko modua bera, baliabide berri bat eskainita, gidoiak alegia”, azaldu du Ritxi Lizartza Zinea Sortzen etxeko zuzendari eta proiektu-buruak.
Kolaborazioa, funtsezko
Datu-basea bizirik mantendu dadin, sektorean inplikatutakoen kolaborazioa ezinbestekoa izango da. “Euskaraz bikoiztu eta azpititulatutako filmen fitxak ere sortuko ditugu pixkanaka –gehitu du Maialen Goñi Zinea.eus atariko kudeatzaileak–, eta horrek euskaraz kontsumitu daitezkeen pelikulen kopuru erreala jarriko du agerian. Orain arte, 3.500 izenburu biltzea lortu dugu, baina oraindik asko ditugu zerrendara ekartzeko”. Euskarazko zinemarekin lotutako materialak ere eskuragai jarriko dituzte aurrerago.
Apirilaren 12an egingo dute XXI. edizioaren estreinako emanaldia, Bergaran. Maiatzaren 12ra bitartean, 35 herri bisitatuko ditu euskarazko film laburren ekimenak. Berrikuntza gisara, ikusleek film labur onena hautatzeko aukera izango dute.
Apirilaren 8tik 11ra bitartean laburmetrai eta dokumental sorta emanen da, tartean Oskar Alegriaren 'Zinzindurrunkarratz' eta Goya sariaren irabazle 'To bird or not to bird'.
Hilaren 12tik 19ra egingo dute 21. Donostiako Giza Eskubideen Zinemaldia, eta askotariko filmak proiektatuko dituzte: osasun mentala, Palestinaren egoera, migrazioak, lanaren etorkizuna, Ukrainako haurrak eta transexualen eskubideak izango dira zinemaldiko film eta... [+]
Martxotik Frantziako Netflix plataforman euskarazko audio eta azpitituluetako filmak ikusgai dira.
Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]