Euskarazko haur eskolak beteta, Iruñeko Euskalgintza kontent

  • Euskalgintzaren lana sustatzen segitzeko babes ekonomikoa eskatu dute. Euskadiko Kutxan kontu korrontea ireki eta euskaltegietan diru-kutxak jarri dituzte herritarren ekarpenetarako.

Artikulu hau CC BY-SA 3.0 lizentziari esker ekarri dugu.

2016ko apirilaren 20an - 13:38

 

Euskarazko haur eskolen eskaintza motz gelditzen dela erakutsi dute gurasoen artean egindako galdeketek. %37ak egin du euskarazko ereduen alde eta soilik %27koa da eskaintza. Hortaz, Euskalgintzak emaitzak onak direla nabarmendu arren eta aurten Iruñeko Udalak euskarazko haur eskolak zabaltzeko egindako ahalegina aintzat hartzeaz gain, uste du, aurrera pausoak oraindik asko direla emateko.

Gogorarazi du urteotan UPNk bazterrean utzi duela euskara eta izkutuan gorde nahi izan duela errealitate bat: Iruñeko gurasoek euskarazko eskoletara eraman nahi zituztela euren seme-alabak.

Euskalgintzak lanean segituko du euskalduntzea ahalbidetzen eta sustatzen. Aurre matrikulazio kanpainan erabilitako kanpainarekin, #euskaracercahurbil, segitzeko asmoa dute. Oraingo honetan, bideo berri bat jarri dute ikusgai eta herritarrei eskaera bat ere bai: Euskalgintzak egiten duen lana ekonomikoki laguntzeko eskaera zehazki. Horretarako, laboral kutxan kontu korrontea zabaldu dute (3035 0058 35 0580094044) eta euskaltegietan diru-kutxak jarri dituzte, Karrikiri dendan eta baita zenbait sindikatutan ere.

Kanpainaren bideo berria euskalerriairratia.eus atari digitalean duzue ikusgai.

Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra


Kanal honetatik interesatuko zaizu: Euskara Nafarroan
Apirilaren 24an izanen da Iruñerriko III. Mintzodromoa

Iruñerriko AEK, Iruñerriko IKA, Iruñeko Hizkuntza Eskola Ofiziala, Zubiarte euskaltegi Publikoa eta Iruñerriko Mintzakide egitasmoa berriz ere elkartu dira Iruñerrigo hirugarren Mintzodromoa antolatzeko. Geltokin izanen da hitzordua... [+]


2024-03-18 | Leire Artola Arin
ANALISIA
Nork egingo du euskara ofizial?

Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.


Korrika larunbatean abiatu da Nafarroako Lokizaldean

Lokizaldeako Euskararen Egunaren barnean Korrika Txikiak zeharkatu ditu Iturriagako inguruneak. Urteak direla hasi ziren eguna ospatzen, eremu ez-euskaldunean kokatuta zegoen eskualdean Korrikaren kilometroak erosteko. Giro ederrean gozatu dute egun osoko egitaraua.


2024-02-29 | ARGIA
Euskalgintzaren Kontseiluak dio euskara "mespretxatzen eta gutxiesten" duela Nafarroako Kontseiluak

Eremu mistoko Osasunbideako zerbitzuetako lanpostuetan euskararen ezagutza meritu gisa baloratu ahal izatearen aurka agertu da Nafarroako Kontseilua azken irizpen batean. Otsailaren 21ean eman zuen argitara. Aldiz, ingelesa, frantsesa eta alemanaren ezagutzak puntuatzen du... [+]


Eguneraketa berriak daude