Joseba Asiron alkate berriaren inbestiduraren aurretik, EH Bildu, Geroa Bai, Aranzadi eta Ezkerra udal taldeek gobernu akordio programatikoa sinatu zuten.
Itun honetan biltzen diren 147 ataletatik, bost zuzenean dagozkio euskarari. Hauek dira Udal Gobernu berriaren egitasmo zehatzak:
139: Euskararen Ordenantzaren jatorrizko izpiritua berreskuratzea, gaurkotzea eta garatzea.
Ordenantzaren aginduak irmo beteko direla ziurtatutzea, Toponimia Batzordean hiriko kale izendegi elebidunaren ofizialtzea eta udal langilegoaren hizkuntza profilen azterketa abian jartzea.
Bestalde Hizkuntza Normalizaziorako Plana eginen da euskaraz bizitzeko eskubidea bermatze aldera eta Auzoetako Planak prestatuko dira asoziazionismoa eta euskarazko jarduerak sustatzeko asmoz.
140: Euskararen sustapen egitasmoetarako aurrekontuen diru partida handitzea.
141: Euskararen Parte Hartze Kontseilu bat eratzea, non hirian euskararen erabilpena sustatzen duten elkarteek ordezkaritza izanen duten.
142: Euskararen Ordenantzaren betetze irmoa eta erreforma proposamena euskararen sustapena areagotze aldera. Iruñearen kale izendegi elebidunaren onarpena.
143: Egungo hizkuntza paisaiaren azterketa eta eraldaketa progresiboa, euskararen presentzia beste hizkuntzen parekoa izan dadin.
(CC lizentzia baliatuta, Euskalerria Irratitik jasotako albistea. Hemen originala: http://euskalerriairratia.eus/irunea/1434364581181)
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.
Iruñeko auzo guztietako haur eskoletan murgiltze eredua ezartzeko eskatu dio euskalgintzak udalari. Horrez gain, salatu du duela 35 urteko egoera berean daudela.
Maiatzaren 9an atera dira aurrematrikulen zerrendak, eta Haur Eskoletako Gurasoak elkarteak salatu du Iruñeko Udalak %20ra “mugatu” duen euskarazko eskaria izatez %35,2koa dela. Gainera, azpimarratu dute euskara ezin dela neurtu eskaintza-eskaria... [+]
Hiriko errepideak “oztopatuko” lituzkeela argudiatuz Korrika iragartzen duen haurren Korrika txikiari trabak jarri dizkio Iruñeko Udalak, haurrei, musikariei eta erraldoiei errepidetik ibiltzea ukatuz.
Iruñeko Euskalgintzak azaldu duenez, hirian dauden 12 udal haur-eskoletatik bakarra dago euskaraz murgiltze ereduan: "Horrek esan nahi du eskola horietan eskainiko diren 1.069 plazetatik 130 bakarrik izango direla euskaraz (%12'16a)". Eskaintza murritz hori... [+]