Euskara eta teknologia berriak uztartzen dituzten Euskarabildua jardunaldiak urriaren 11n egingo dira, Ikusi eta entzun. Multimedia produkzioaren gako komunikatibo eta teknologikoak izenburupean.
ARGIAk, Iametza Interaktiboa enpresak eta Ametzagaiña taldeak antolatuta, bigarrenez egingo dira jardunaldi horiek Donostiako Koldo Mitxelena kulturunean. Aurtengoan Interneteko bideogintza izango dute aztergai, ikuspegi komunikatibotik zein teknologikotik begiratuta.
Euskal Herriko eta kanpoko esperientziak emango dira ezagutzera, “ahal balitz horietatik euskal komunitatearentzat baliagarri izango zaizkion ekimen berriak abiatzeko”, diote antolatzaileek.
Hizlariak izango dira: Pablo Iglesias (Zientzia Politikoetako irakaslea eta Latuerka.net web telebistako aurkezlea), Arantza del Pozo eta Igor Garcia (Vicontech - IK4), Nora Barroso (EHU), Carles Solà (Plataforma per la Llengua) eta Axier Lopez (ARGIAko multimedia arduraduna). Hitzaldiez gain beste hainbat egitasmoren bideo laburrak proiektatuko dira. Ikusi hizlarien curriculumak.
Jardunaldian parte hartzeko ez da beharrezkoa izena ematea, baina gomendagarria da plaza kopurua kontrolatu ahal izateko: Izena eman.
“Urtetan ari gara lanean euskararen eta teknologia berrien esparruan, merkatuaren joerak jarraitzen ditugu eta bezeroen beharrak entzuten”, diote antolatzaileek. “Hori dela-eta, teknologia berriei eta euskarari buruz hitz egiteko gune bat sortzea bururatu zitzaigun, beste batzuekin ere ezagutza konpartitzeko, kanpoko esperientziak ezagutzeko, guztion artean ikasteko eta abar”.
Euskarabildua jardunaldiak egin dituzte Donostiako San Telmo museoan eta antolatzaile da ARGIA, Iametza eta Ametzagaiña taldeko enpresekin batera. Egunerokoan baliagarriak diren teknologia burujabe eta libreak ezagutzera eman ditu jardunaldiak. Euskaraz lan egitea... [+]
Beñat Irasuegi Talaios Kooperatibako kideak Odoo tresna librea aurkeztuko du Euskarabildua jardunaldietan ostegunean Donostiako San Telmo museoan.
Mailtrain e-posta bidalketak egitea ahalbidetzen duen software librea da. Norberaren zerbitzarian instalatzeko aukera eman eta datuen pribatutasuna zaintzen du.
Hodei propioa eraikitzea ahalbidetzen duen software librea da Nexcloud, datuen pribatutasuna zaintzen duena. Dokumentuen biltegia eta partekatzeko gunea izateaz gain, bestelako funtzionalitateak ere integratzen ditu: bideo-deiak egiteko Talk sistema; egutegia; posta... [+]
Alexis Kauffmann, Frantziako Hezkuntza Ministerioko DNEko (Hezkuntzarako Zuzendaritza Digitala) teknologia digitaleko sektoreetako software-proiektuen eta hezkuntza-baliabide libre eta mistoen zuzendaria da. Hezkuntza libre eta irekiaren aldeko ekintzaileak urriaren 26an... [+]