Eremu mistoko hainbat herritan egingo dute kanpaina. Herritarrak instituzioei zonifikazioarekin amaitzeko eskabidea egitera bultzatu nahi dituzte.
“Aldaketaren legealdiaren erdia joan da jada” gogorarazi du Paul Bilbaok, Kontseiluko idazkari nagusiak. Bi urteetan zenbait aldaketa egin direla azpimarratu du, hala ere, “euskaldunok pairatzen dugun bereizkeriak badirau, ez baitute indargabetu bereizkeriaren eragilea den eskualdekatzea” gaineratu du.
Zonifikazioarekin amaitzeko eta euskararen lege berriaren alde, Antsoainen, Berriozarren, Burlatan, Mutiloan, Sarrigurenen eta Iruñean dinamika bat hasiko dute, tokian tokiko euskalgintzarekin batera.
Herri horietako herritarrek , urriaren amaieran, esku-orri bat jasoko dute euren etxeetan. Esku-orri horrek zonifikazioaren inguruko informazioaz gain, udalari eskaria egiteko eskabidea jasoko du.
Eskabide horiek azaroko lehen hiru asteetan jasoko dituzte herrietan. Ondoren eskabideak Udalei eta Legebiltzarrari helaraziko dizkie euskalgintzak. Paul Bilbaok gaineratu du Nafarroako Gobernua sostengatzen duten lau alderdiekin biltzeko asmoa dutela zonifikazioaren gaiaz hitz egiteko.
Eremu mistoko Osasunbideako zerbitzuetako lanpostuetan euskararen ezagutza meritu gisa baloratu ahal izatearen aurka agertu da Nafarroako Kontseilua azken irizpen batean. Otsailaren 21ean eman zuen argitara. Aldiz, ingelesa, frantsesa eta alemanaren ezagutzak puntuatzen du... [+]
Mañeruko herritarrek, udalbatzak babestuta eta Hordago taldeak deituta, elkarretaratzea egin dute zonifikazioaren aurka. Hamar egun pasatu dira eremu mistoan sartzeko proposamenari atea itxi ziotenetik Navarra Sumak eta PSNk.
Mañeru eremu "ez euskaldunetik" mistora pasatzeko eskaria egin du aho batez udalbatzak urtarrilean, eta horretarako Nafarroako Parlamentuan gehiengoaren babesa behar du. Ostegunean egin dute bozketa, eta bertan behera gelditu da udalbiltzaren nahia PSNek... [+]