Euskara eta turismoa lotzeko ekimenak landu dituzte Oriok, Zumaiak, Azpeitiak eta Nafarroako Gobernuak

  • UEMAren ustez Nafarroako Turismo Planak euskara kultur ondare garrantzitsutzat hartu izana aitzindaria da.

ARGIA @argia
2017ko uztailaren 06a
Zumaian itsasontziko turistei euskarari buruz duten pertzeptzioaz galdetuko diote. Argazkia: Geoparkearen webgunea.

UEMA apirilaz geroztik ari da hausnarketan, hau da, hainbat galdera egiten: Zer eragin du turismoak hizkuntzen erabileran? Turista asko jasotzen dituzten herrietan euskararen erabilera areagotu daiteke? Eta euskara ondare bezala nabarmentzeak edo euskararekin lotutako ekitaldiak bereziki sustatzeak eraldatu dezake bisitariaren esperientzia?

Gogoetez gain ekintza xumeak ere gauzatzen hasiak dira. Duela gutxi eman genuen ARGIAn Azpeitibizi egitasmoaren berri. Euskara eskaintza turistikoaren erdigunean jartzeko asmoz webgunea sortu du Azpeitiko Udalak.

Orion, abuztu betea baino lehen, herriko taberna eta jatetxeak banaka-banaka bisitatuko dituzte haien paisaia linguistikoa euskaraz emateko bitartekoak eskaintzeko. Menuak, prezio-zerrendak, eskaintzen kartelak, kanpoko arbeletako mezuak eta abar euskaraz jartzeko laguntzak emango dizkiete. Bitartekoak eskaintzeaz gain, euskara herriaren marka dela azaltzen saiatuko dira ostalariei. Gainerako establezimenduak udazkenean bisitatuko dituzte.

Zumaiak galdetegia prestatu eta ondoko guneetan banatu du: herriko ostalaritza alojamenduetan, Algorri Interpretazio Zentroan eta Geoparkeko bisita gidatuetako txalupetan. Euskarari buruz duten pertzepzioaz galdetuko diete bisitariei.

Baztan, Malerreka eta Bortzirietan euskara lehen planora

Udal eta mankomunitate horiek egindako eskaera izan zen. Gobernua Turismo plan estrategikoa prestatzen ari zenean bi eskakizun zehatz egin zituzten. Batetik, eskualdeko promozio turistikoa egiterakoan, euskarrietan edo ekintzetan euskara egotea edo lehenestea. Bestetik, promozio euskarrietan kulturaz, ohiturez edo paisaiaz ari diren bezala hizkuntzaz ere aritzea. Plan estrategikoak jaso du “euskara kultur ondare garrantzitsua eta berezia” dela.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: UEMA  |  Zumaia  |  Azpeitia  |  Nafarroako Gobernua  |  Orio  |  Turismoa

UEMA kanaletik interesatuko zaizu...
Udalerri euskaldunen eguna Diman izango da, maiatzaren 26an

UEMAk eta Dimako Udalak elkarlanean antolatuko dute aurten Udalerri Euskaldunen Eguna, Arratiako beste zenbait udalekin eta Dimako hainbat elkarte eta eragileren laguntzarekin. Maiatzaren 26an izango da hitzordua.


Eta zuk, bisitari, ba al dakizu hemen euskaraz egiten dela?

Zumaiako kaleetan ikusiko dituzu hemendik aurrera. Gidak azalpenak emango dizkie turistei: euskararen jatorriaz arituko da, non egiten den eta zein euskalki dituen esango die, hiztun kopurua asmatzeko zirikatuko ditu. Ez dute flysch ospetsuaz hitz egingo, euskal nortasunaz, kulturaz eta euskarari buruz baizik. Zumaiako Udaleko euskara eta turismo sailek sortutako ekimena da, eta haien belarrietara iritsi dena kontuan hartuta, tankera horretako bisita gidatu bakarra da Euskal Herrian.


2018-03-13 | Bizkaie
Arantzazu UEMAko kide izango da

Udalerri Euskaldunen Mankomunitateko 86. udalerria izango da.


Errezilen eta Alegian etxe berriak
Eraikitzen hasi aurretik euskararen hauskortasuna neurtu dute

“Errezilen etxe gehiago egingo direla, eta zer? Euskara ahultzeko beldurra? Baina gu beti izan gara euskaldunak eta hala izaten jarraituko dugu”. Ez dugu errezildarraren ahotik entzun esaldi borobil hori, baina izan zitekeen, halakoxea baita aldartea biztanle berriak etorriko badira ere euskal komunitatea arriskuan ikusten ez denean. ARGIAk Xebero Agirretxe herriko alkatearekin, Nekane Zinkunegi zinegotziarekin eta Arritxu Zelaia hizkuntza aholkulariarekin hitz egin du. Hirigintza... [+]


2017-10-06 | ARGIA
Zergatik egiten dute euskaraz gutxiago bermeotarrek ondarroarrek baino?

Ondarroan euskararen ezagutza %79koa da eta erabilera ere bai. Bermeon ezagutza %72koa da eta erabilera %33koa. UEMAk ikerketa sakona egin du askotariko faktoreak lantzeko.


2017-09-08 | ARGIA
Udalerri euskaldunetako gazteek Orion ezagutuko dute elkar

UEMAk Salto! Gazte Topaketak antolatu ditu. Euskaraz bizi diren gazteak euskararen inguruan kontzientziatzea eta besteengan eragitea lortzea da helburua.


2017-07-02 | Ainhoa Bretos
O˝atiko ikasleak galdezka:
Zergatik du hizkuntza batek beste batek baino botere handiagoa?

Udalak euskalduntzen ari diren arren, udalerriak erdalduntzen ari direla adierazi du UEMA Udalerri Euskaldunen Mankomunitateak. Horren aurrean, herritarren kontzientziazioa eta sentsibilizazioa lantzeko hezkuntza proiektua jarri du martxan UEMA osatzen duten herrietako ikastetxe guztietan. Oñatiko Txantxiku Ikastolan eta Elkar Hezi Ikastetxean izan da ARGIA.


2017-06-23 | ARGIA
EAEko Auzitegi Nagusiak Gipuzkoako Foru Aldundiaren Euskara Planaren aurkako epaia eman du

Bost artikulu baliogabetu ditu, besteak beste, kontratazio administratiboarena eta diru-laguntza jasotzaileen betekizunena. Foru Aldundiak epaia errekurrituko du.


Azpeitibizi egitasmoa
Nola bultzatu turismoa herri nortasuna eta euskara kaltetu gabe

Azpeitiko Udalak www.azpeitibizi.eus webgunea zabaldu berri du. Herrira turismoa erakartzeko tresna da, luzea izan nahi duen prozesuaren abiapuntua baino ez. Ondoko gogoeta egin du Udalak: lehentasuna ekonomia sustatzea da, eta turismoa horretarako bideetako bat. Turismoa indartzeak ordea, nola eragingo du udalerri euskaldunean? Nola ekarri bisitariak herri nortasuna galdu gabe?


Eguneraketa berriak daude