Behauzeko (Nafarroa Beherea) Goitia baserrian bi eguneko jardunaldiak antolatu ditu Bizi Toki taldeak. Kapitalismoan euskarak biziraun dezakeen eta toka-nokaren erabileraz eztabaidatuko dute. Anne-Marie Lagardek sexuen trataerari buruzko tesia aurkeztuko du.
Larunbat goizean (azaroak 9) bi galderari erantzuten saiatuko dira: Zein dira kolektibitatean euskaraz bizitzeko baldintzak? Eta, nola erdaldunak euskaldunen artean integratu? Arratsaldean Anne-Marie Lagarde ikerlari eta idazleak Sexuen trataera simetrikoa euskal jendarte tradizionalean tesia azalduko du.
Igande goizean (azaroak 10) gai anitz izango dute: euskara eta feminismoa, toka-nokaren erabilera, zertarako ikasi euskara…
Gaur eta bihar (azaroak 8 eta 9) gauean kanpina paratu ahal izango da Goitia baserri ondoan.