"Desoreka handia dago gaztelaniazko eta euskarazko plazen artean. Oraindik gainera Iruñeko auzo batzuk urrunegi daude euskarazko eskaintza egiten duten haur eskoletatik".
Lau haur eskolek eskainiko dute euskarazko eredua aurten Iruñean. Lehen aldiz, lau auzo desberdinetan izanen dira. Albiste ona da Euskalgintzarentzat baina oraindik, lortu beharreko helburutik gertu kokatzen dela ere ohartarazi dute.
Gogoratu dute 30 urtez, soilik Txantrean eskaini dela euskarazko eredua haur eskolan: iazko ikasturtean 1.414 plazetatik 164 baino ez ziren euskaraz eta aurten aurrera eramandako aldaketarekin 1.036 plazetatik 378 izanen dira euskaraz. "Oraindik portzentaiak ez direla orekatuak", nabarmendu du Maite Inda, Euskalgintzako kideak. " Desoreka handia da kontuan hartuta hiru urtetik gorako zenbat haur matrikulatzen dituzten euskarazko ereduetan". Oreka lortu behar dela dio Euskalgintzak.
Gertutasuna eta euskara ez da auzo guztietara iristen oraindik
Txantrean, Arrotxapean, Donibanen eta Arrosadian izanen dira euskarazko haur eskolak aurten. Gertutasuna eskainiko zaie guraso askori, baina oraindik zenbait auzo isolatuegi geratuko dira. Euskarazko ereduak urrun geratzen zaizkie, alegia.
Nafarroako Gobernuaren eskumenekoak diren 5 haur eskolak gaztelaniaz dira: Alde Zaharrean, Sanduzelain eta Etxabakoizen ditu. Horregatik, parlamentariei dei egin die euskarazko ereduak ahalik eta zabalkunde gehien izan dezan lan egin dezaten.
Euskalgintzaren izenean Maite Inda izan da Nafarroako Parlamentuko Hezkuntzako lan saioan. Behatokiko Garbiñe Petriati ere bertaratu da. Eurekin izan dira testigantza kontatzen euskarazko ereduan izen eman nahi eta ezin izan duten bi ama: Edurne Elso eta Zaloa Basabe.
Oharra: Albiste hau Euskalerria Irratitik ekarria da Creative Commnos lizentzia libreei esker.
Iruñeko auzo guztietako haur eskoletan murgiltze eredua ezartzeko eskatu dio euskalgintzak udalari. Horrez gain, salatu du duela 35 urteko egoera berean daudela.
Maiatzaren 9an atera dira aurrematrikulen zerrendak, eta Haur Eskoletako Gurasoak elkarteak salatu du Iruñeko Udalak %20ra “mugatu” duen euskarazko eskaria izatez %35,2koa dela. Gainera, azpimarratu dute euskara ezin dela neurtu eskaintza-eskaria... [+]
Hiriko errepideak “oztopatuko” lituzkeela argudiatuz Korrika iragartzen duen haurren Korrika txikiari trabak jarri dizkio Iruñeko Udalak, haurrei, musikariei eta erraldoiei errepidetik ibiltzea ukatuz.
Iruñeko Euskalgintzak azaldu duenez, hirian dauden 12 udal haur-eskoletatik bakarra dago euskaraz murgiltze ereduan: "Horrek esan nahi du eskola horietan eskainiko diren 1.069 plazetatik 130 bakarrik izango direla euskaraz (%12'16a)". Eskaintza murritz hori... [+]
Haur Eskolak Euskaraz plataformak deituta, herritar talde batek protesta egin zuen otsailaren 2an Nafarroako Legebiltzarraren aurrean, Iruñeko Udalak hiriaren haur eskoletan euskararekin duen jarrera baztertzailea salatzeko.