Iñigo Errejonek, Podemos alderdiko idazkari politikoak adierazi du euskal presoen senideek ez dutela zertan “zigor gehigarririk” ordaindu, sakabanaketari erreferentzia eginez.
Adierazpen horiekin Pablo Iglesias idazkari nagusiak berriki New Left Review aldizkariari emandako elkarrizketan esandakoak berretsi ditu Errejonek.
Iglesiasen arabera, euskal gatazkak Espainian “zentralitatea galdu” duen arren, 400-500 preso politiko Euskal Herritik ehunka kilometrora egotea “zoritxarreko arazo politikoa” da. Adierazpenek espainiar komunikabideetan zeresan handia eragin dute.
Iñigo Errejonek astelehen honetan egindako adierazpenetan gaineratu du beraiek “terrorismoarekin” daukaten posturak ez daukala zerikusirik “euskal presoek beraien kartzela zigorrak etxeetatik ahalik eta gertuen pasatzearekin”. Horrez gain, “zigorra pertsona bati ezartzen zaiola eta ez familiei” nabarmendu du.
ETA aktibo zegoen garaian PPko eta PSOEko gobernuek “euskal gatazkaren konponbideari mesede egiten bazion euskal presoen gerturatze politika ezarri zutela” ere gogora ekarri du Errejonek.
Bide beretik, Iglesiasek joan den abenduan RTVEri egindako adierazpenetan gogorarazi zuen Aznar izan zela lehen aldiz “Euskal Herriko Askapen Mugimenduaz” hitz egin zuena eta “PPk eta PSOEk ETArekin elkarrizketak izan zituztela”.
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Bizkaia, Gipuzkoa eta Lapurdiko hamabost hondartzetan antolatu ditu mobilizazioak Etxeratek, Etxera lelopean.
Elkarretaratzea egin dute larunbata eguerdian Laudioko Herriko plazan, Pili Arsuaga eta Fontso Isasiren heriotzaren 33. urteurrena dela eta. Bi bizilagunak 1990ko uztailaren 1ean zendu ziren, Maribi Ramila euskal preso politikoa bisitatzera zihoazela izandako trafiko istripuan... [+]
Pasa den martxoaren 25ean ofizialki bukatu zen euskal presoen sakabanatzea. El Paíseko lerroburuaren arabera, "34 urte igaro eta gero, Espainiako Barne Ministerioak amaiera eman dio ETAko presoen sakabanatzeari". Euskal Herriko komunikabideek ere dataren berri... [+]