Euskal instituzioek Israelekin kolaboratzen dutela salatzeko mobilizazioak deitu dituzte Bilbon
Bizkaiko Foru Aldundiak sortzen ari den SOSA enpresa israeldarrarekin hitzarmena sinatu du, eta atzera botatzeko eskatu diote hainbat erakunde eta kolektibok.
Israeleko Estatuari Boikot, Desinbertsio eta Zigorren kanpaina (BDZ) osatzen duten Bilbo mailako erakunde eta kolektiboek prentsaurrekoa egin dute asteazkenean, Bizkaiko Foru Aldundiaren aurrean. Palestinarekin elkartasuna adierazi, eta Euskal Herriko instituzioetatik Israelekin egiten diren kolaborazioak salatu dituzte.
Potentzia handien konplizitatea eta nazioartean eskaintzen zaion inpunitatea barik, Israeleko Estatuak kolonizazioa eta palestinarren etengabeko giza eskubideen urraketa ezingo lituzkela mantendu azpimarratu dute. “Euskal instituzioak ez dira salbuespen bat” nabarmendu dute, Bizkaiko Foru Aldundiak SOSA enpresa israeldarrarekin sinatutako hitzarmena erdigunera ekarriz.
Salaketok kalera atera eta Palestinarekin elkartasuna adierazteko, bi mobilizazio deitu dituzte: Manifestazioa ostegunean, maiatzak 31, Arriaga plazatik 19:00etan aterako dena; eta elkarretaratzea ostiralean, ekainak 1, 11:00etan Bizkaiko Foru Aldundiaren aurrean. Elkarretaratzean, Unai Rementeria Maiz Bizkaiko Diputatu Nagusiari eskutitz bat emateko asmoa daukatela adierazi dute.
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
Maulen eta Baionan egon berri da Pierre Stambul, Palestinaren alde dabiltzan kolektiboek gomitaturik. Judu laikoa eta nazien genozidioa hurbiletik ezaguturikoa da, bere amaren alde guztia deuseztatu zutelako. Erresistente komunistak zituen gurasoak, aita Manouchian talde... [+]
Proiektuaren memorian, nazioarteko erakunde laguntzaileak daude, eta horien artean Tel Aviveko unibertsitatea nabarmentzen da "erreferentzia" gisa. El Saltok lortu duen dokumentazioaren arabera, gobernu sionistak Gazan genozidioa hasi eta egun gutxira onartu zen... [+]
EHUko hainbat klaustrokide, irakasle-ikertzaile, ikasle zein TEKAZEL kolektiboaren langileek sustatu dute ekimena. EHUko kideen ordezkaritza organo gorenean parte hartzen duten 240 kideen artean, gehiengoaren babesa lortu dute.
Nafarroako BDZtako bi kide kateatu dira Espainiako Gobernuaren Ordezkaritzara, Iruñeko Merindadeen plazan 11:30ean. Beste 30en bat lagunek lagundu dituzte kateatuak Israeli boikota eta harekiko harreman diplomatikoak apur ditzaten eskatzeko ekimenean.