Euskal Herriko elkargo bakarraren alde agertu dira hainbat auzapez ohi

  • 66 auzapez ohik babesa eman diote Euskal Herriko elkargo bakarraren proiektuari. Lurralde elkargoaren alde eginiko lanaren ostean, orain beste urrats bat emateko borondatea erakutsi dute.


2015eko azaroaren 16an - 14:03
66 auzapez ohi agertu dira elkargo bakarraren alde.

“Lehenik eta behin departamentuaren alde lan egin genuen, ondoren lurralde elkargoaren alde, eta orain elkargo bakarraren alde mobilizatu gara”, azaldu du Bastidako auzapez ohi Léopold Darritchonek.

Jean-Baptiste Sallaberry Hendaiako auzapez ohiaren aburuz, “galdu ezineko abagunea” dute esku artean, elkargo bakarrak aukera emango bailuke euskara “behar bezala” defendatu eta hauspotzeko.

Ildo beretik mintzatu da Senpereko auzapez ohi Christine Bessonart: “Horrelako aukerarik ez dugu berriz ere izango”. Auzapez izandako beste batzuek adierazi dutenez, estatus politiko berria erdiesteak Euskal Herriari elkartasunean oinarrituriko “lurraldeen arteko armonia” lekarkioke.

Elkargo bakarrari babesa emateko ekitaldian mozio bat sinatu dute, esateko Euskal Herriko udalerri guztiak batuko lituzkeen egitura juridiko bat lortzea “amets baten gauzapena” litzatekeela. 66 auzapez dira mozioa sinatu dutenak, eta kopuruak gora egiten jarrai dezake, zerrenda oraindik irekita baitago.

Herriko etxeen iritzia, momentuz elkargo bakarraren aldekoa

Irail bukaeran Pierre Andre Durand prefetak herriko etxeei elkargo bakarraz duten iritzia emateko galdegin zien.

Orain arte herrien herenak erantzun dio Duranden itaunari, eta momentuz gehiengoak baiezkoaren aldeko iritzia eman du.

Erantzuten lehenak herri txikiak izan ziren, baina handiagoak ere hasi dira pixkanaka prefetaren galderari ihardesten. Baionan, adibidez, duela bi aste egin zuten bozketa, eta elkargo bakarraren aldeko iritziak irabazi zuen, 43 hautetsietatik 29ren babesarekin.

Kontrako jarrera azaldu duenik ere bada: Angelun zalantzak agertu dituzte elkargo bakarrari buruz.


Kanal honetatik interesatuko zaizu: Euskal Elkargoa
2023-11-09 | Euskal Irratiak
Europako 10 milioi euro zuzenean kudeatuko ditu Euskal Hirigune Elkargoak

Lehen aldia izanen da Europako funtsak zuzenean kudeatzen ahalko dituela Euskal Hirigune Elkargoak, Akitania Berriko eskualdearen esku hartzerik gabe. 10,8 milioi euroko diru-funtsa izanen da, 2024 eta 2027 artean baliatu beharrekoa.


2023-07-18 | Ilargi Manzanares
Ipar Euskal Herriko hondartzetako dutxak itxiko dituzte, ur kontsumoa murrizteko

Euskal Hirigune Elkargoko kontseiluak proposatutako Idorte Planaren neurrietako bat da. Neurriaren lehentasunaren eta osasun-ondorioen inguruko kezkak areagotu dira.


2023-03-21 | Euskal Irratiak
Etxebizitza eskumen handiagoa galdegin dio Elkargoak Parisi

Botere eta diru laguntza gehiago galdegin dizkio Euskal Hirigune Elkargoak Frantziako Gobernuari, lekuko etxebizitza politika azkar bat abiatzeko. Horretarako, AOH Etxebizitza Antolatzeko Autoritatea bilakatu nahi luke.


Isabelle Pargade (Euskal Hirigune Elkargoko presidenteordea)
“Nahiago nuke laborari gehiago, herritar gehiago baino, baina nola egiten da hori?”

Euskal Hirigune Elkargoan elikadura eta laborantzaren ardura du Isabelle Pargadek. Laborantza lurren desagerpenari buruz galdetu dio ARGIAk, eta lehen sektorearen funtsa guzion plateretan ageri denez, elikadura burujabetzaz hitz egiten bukatu dugu.


Etxebizitza turistikoen konpentsazio neurria indarrean jarri dute Ipar Euskal Herrian

Lapurdi kostaldeko 24 hirietan etxebizitza turistikoa alokatuz gero, jabeak ondasun bat gehiago eskaini beharko du iraupen luzeko alokairu kontratupean, hiri berean eta azalera baliokidearekin.


Eguneraketa berriak daude