Euskaldunen %16,7 pobrezia arriskuan bizi da. 18 urtez azpikoen artean datua “are larriagoa” da, ia %20 bizi baita pobrezia edo gizarte-bazterketa arriskuan Gaindegiak argitaraturiko azken txostenak jaso duenez
Era berean, biztanleen %4k gabezia material larria dauka. Kasu honetan ere adingabeen zifra altuagoa da: 18 urtez beherakoen artean %5,3k ez du bizitzeko beharrezkoak diren oinarrizko baliabide nahikorik.
Alta, Euskal Herriko zifrak Europakoak baino apalagoak dira: Europar Batasunean biztanleen %24,5 dago pobrezia arriskuan –%27,7 adin txikikoen kasuan–, eta %11,1 gabezia material larriarekin bizi da –18 urtez azpikoen artean %9–.
Gaindegiaren arabera, arazo honek “lotura zuzena” du gizarte kohesioarekin, bereziki umeen artean: “Egoera honek eskolatze eraginkor baten bitartez aukera berdintasuna arriskuan jartzen du”. Horrez gain, Ipar Euskal Herrian gizarte babeseko politikak Hego Euskal herrian baino “askoz indartsuagoak” direla azpimarratu du.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]