Ezker abertzaleak kezka adierazi du ETAren Osloko kontaktuen filtrazioagatik
Josu Urrutikoetxea, David Pla eta Iratxe Sorzabal ETAko kideak Ram Manikkalingam eta Jonathan Powellekin harremanetan izan dira Oslon, Norvegiako gobernuaren baimenarekin, Efe agentziak argitaratu duenez. Nazioarteko Egiaztatze Batzordea (NEB) Euskal Herrian ere izan da urtarrilean eta hainbat alderdi eta eragile sozialekin egin dituzte bilkurak. Otsailean berriz etortzekoak direla adierazi dute.
ETA desarmerantz aldebakarreko pauso gehiago ematea aztertzen ari dela zabaldu dute berripaperek. Espainiako Gobernuak presoekin malguago joka dezan konpromisoak lortu nahi ditu Manikkalingam buru duen nazioarteko taldeak.
Euskal Herrira egingo duten hurrengo bileran Iñigo Urkullu lehendakariarekin egingo dute bilera ofiziala beti ere filtrazioek jakitera eman dutenez. Amsterdamgo Taldea gisa ezaguna den batzorde honek Euskal Herrira bisitak egin ohi ditu, izaera diskretuarekin gehienak, talde ezberdinak egoeraren jakitun egiteko.
Ezker abertzaleak arratsaldean gaiari buruz prentsak egin dituen filtrazioen inguruko kezka agertu du Naiz.info-k informatu duenez. Alderdi independentistako iturriek adierazi dute "halako informazioak filtratzen dituztenek nazioarteko egiaztatzaileek ezarritako soluzioen agenda desbirtuatu nahi dute". Gaineratzen dutenez, "desarmea eskatzen ari direnen jarrerak objektiboki oztopatzen du gaia era ordenatu batean ezin sakontzea".
EAEko PPko buru Antonio Basagoitik lehengo astean adierazi zuen bere alderdia ez dela nazioarteko egiaztatzaileekin bilduko, eta ETAk egin behar duen gauza bakarra armak entregatzea dela.
Manikkalingam da ETAren su-etena Egiaztatzeko Nazioarteko Batzordeko buru eta beste bost pertsonak osatzen dute: Ronnie Kasrils (Hegoafrika), Ray Kendall (Erresuma Batua), Chris Maccabe (Erresuma Batua), Satish Nambiar (India) eta Fleur Ravensbergen (Herbehereak). Brian Currin abokatuak sustatuta eratu zuten taldea, ETAk borroka armatua utzi baino hilabete lehenago.
Brian Currinek gidatutako Harremanetarako Nazioarteko Taldeak (HNT) iragarri du bere lana bukatu duela, agindu zitzaion lanaren parte handi bat bete dela ulertuta. Naiz-ek aurreratu duenez, hurrengo astean baloratuko dute Euskal Herriko gatazka armatuaren amaiera lortzeko... [+]
Brian Currin Nazioarteko Harreman Taldeko kidea elkarrizketatu du Diagonal hamabostekariak. Lokarriren agur ekitaldian izan da Currin eta azaldu du Espainiako Gobernuak presoen gaia ez eztabaidatzeak "bake prozesua luzatzea" dakarrela.
Harremanetarako Nazioarteko Taldea (HNT) urri bukaeran edo azaro hasieran iritsiko da alderdi eta eragile sozialekin hitz egiteko. Hauteskundeen ostean bakerako oztoporik ez egotea nahi dute.
Brian Currin mintzo: “Prozesua bide onean doa. EPPK-k eta iheslariek marko legala onartu dute. Politikoak engaiatu dira, gehienak, ez denak. EAJ eta Urkullu lehendakaria, lehen aldiz. Estatuak ez, orainokoan. NHTko ordezkariak poliziak galdekatuak izan ginen atzo... [+]
Brian Currin abokatu eta Harremanetarako Nazioarteko Taldeko (HNT) kidea elkarrizketatu du Público egunkariak. ETAren barruan gerta litekeen zatiketari dagokionez, argi utzi du berak ez duela halakorik aurreikustera eraman gaitzakeen inolako informaziorik. "Beste... [+]