Aniztasunaren aldeko danbor martxa egingo du EH 11 Kolorek Donostian
Aniztasunaren Alde 11 Kolore Fest eguna antolatu du Euskal Herria 11 kolore egitasmoak ekainaren 1ean Donostian. Aniztasunaren aldeko danbor martxa izango da eguneko ekitaldi nagusia.
Bai aniztasuna! Gora aniztasuna! Izango da egun horretako aldarrikapen leloa. Igandean egin dute aurkezpena San Telmo museoan. Xabier Mendiguren Bereziartu bozeramaileak esan duenez, “bada garaia herri gisa aniztasunaren alde oihu egiteko; herri honetako biztanle guztiak, nonahitik datozela ere, euskal herritarrak garela esateko”.
Mendigurenek Euskal Herria betidanik herri plural bat izan dela gogorarazi du: “Jatorri anitz dituen herria gara, eta etorkizun bera duena”. Krisi garaian aniztasuna eta elkartasuna mantentzea ere beharrezko gauza dela esan du.
Abenduan sortu zen EH 11 Kolore egitasmoa, eta bere manifestuak dagoeneko 600 atxikimendu lortu ditu.
Danbor martxa egingo dute Ekainaren 1ean. “Ez dago hizkuntza anitzagorik perkusioa baino” azaldu du Mendigurenek. “Gainera, ez dezagun ahaztu Donostia danborradaren hiriburua dela”. 17:30ean abiatuko da martxa Alderdi Ederretik.
Danbor martxaren aurretik flashmoba egingo dute perkusio doinuekin. Harkaitz Martinez de San Vicente Oreka Tx taldeko musikariak, Olatz de los Santos dantzariak eta Iñigo Egia perkusio jotzaileak Atanbora izeneko pieza sortu dute, martxaren ereserkia izango dena. Flashmoba pieza honekin egingo da, eta bertan parte hartzeko, jendea perkusio tresnekin bertaratu dadin animatu dute; Youtuben ikusgai dagoen kantaren zati bat ikasita.
Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]
Tarte luze batez espazioa eraldatzen ibili ondoren, azkenik, 2021eko martxoan zabaldu zuten Borderline Fabrika; Hendaiako geltokiaren albo batean dagoen "lan egin eta topatzeko lekua". Proiektua ezagutzeko asmoz, bertako kide eta bultzatzaile den Ander Fernandezekin... [+]
GureHaizeak Donostiako Gros auzoan irekiko duten ileapaindegi komunitarioa da. Bost lagunek abiatutako proiektua da, baina kultura desberdinak elkartuko dituen eta auzoan sustraituko den proiektua izatea nahi dute.
Dorleta Mikeok esango digu elkarrekin baina nahastu gabe bizi garela, ez dagoela bizikidetzarik bertakoen eta beste jatorri batzuetatik etorritako familien artean. Mikeo eta Lola Boluda Donostiako Egia auzoan, Aitor ikastolako jolastokian, abiaburua izan zuen egitasmoa garatzen... [+]
