EAJ

“Euskal gizartean ez dago sentimendu nazional bakarra, eta horrek gradualizazioa eskatzen du”

  • Martin Garitanok Andoni Ortuzar Euzkadi Buru Batzarreko burua elkarrizketatu du Hermes aldizkarirako. Ortuzarrek adierazi dionez, eraikuntza nazionalaren bidean gradualki jardutea “funtsezkoa” da, Euskal Herrian “sentimendu desberdinen arteko elkarbizitza” dagoen heinean. Nolanahi ere, euskal sentimendua nagusi dela eta beraz erabakitzeko eskubidea duela azaldu du Ortuzarrek.


2015eko azaroaren 10an - 12:51

EBBko buruak azpimarratu du egungo egoerari ezin zaiola entzungor egin: “Bi estaturen artean bizi gara, eta hiru errealitate administratibo desberdinetan. Hori garbi izan behar da eraikuntza nazionala gauzatu nahi badugu”. Jeltzalearen iritziz, errealitate horietako bakoitzean euskal identitatea bizitzeko modu bat dago, eta horrek prozesua gradualki burutzea “derrigorrezko” egiten du.

“Guk azken helburua zein den garbi dugu: Euskadiren guztizko subiranotasuna, independentzia, estatu euskaldun baten sorrera”, azaldu du Ortuzarrek. Bere aburuz, helmuga horretara iristeko erdibidean “hainbat geltokiren beharra” izango da.

Garitanok nazio foralaz itaunduta, hau “Katalunian zein hemen bizi dugun egoera desataskatzeko” balio dezaketen bi elementuren kontzeptualizazioa dela deritzo. “Nazio” hitzari dagokionez, azaldu du Euskal Herriak errekonozimendu nazionala edukitzea esan nahi duela, “horrek dakarren eskubide politikoen aitorpenarekin”. Bestetik, nabarmendu du foruen “aldebikotasuna” elementu “oso interesgarria dela”, “kontuan izanda Katalunian eta Euskadin ez dela errespetatu”.

Gaztelaniaz dagoen ondorengo bideoan ikus liteke, elkarrizketaren pasartea:

 

Hermes 50 (2/2)

Entrevista de Martín Garitano a Andoni Ortuzar para el número 50 de la revista Hermes: "La foralidad muestra que hay una legitimidad de las instituciones vascas previa a la Constitución española, y su reconocimiento implica una bilateralidad".

Posted by Sabino Arana Fundazioa on Astelehena, 2015.eko Azaroak 9


Kanal honetatik interesatuko zaizu: EAJ
Etxegabetzeak 48 ordutan burutu ahal izateko lege aldaketa proposatu du EAJk

EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.


Alonsotegi auziko absoluzioak etsigarriak dira EH Bildurentzat

Joan den asteazkenean ezagutu zen Alonsotegiko ustezko ustelkeria kasuengatik izandako lehen epaiketaren epaia: akusatu guztiak absolbitu ditu Bizkaiko Auzitegiak. EH Bildu aritu da akusazio partikular moduan auzian eta ebazpena "etsigarria" eta... [+]


Beste emakume batek salaketa jarri du, Ertzaintzak Donostian egindako kargetan zauritu zutelako

Buruan foam jaurtigai batekin kolpea jasotako emakumeaz gain, bigarren pertsona bat zauritu zen Donostian asteartean ertzainek Realeko zaleen aurka egindako oldarraldietan. Ertzaintzak jakinarazi du kasu hau ere ikertzen ari dela.


Erkoreka Xuhar “erruduntzat” hartzeko “kanpaina” egiten ari dela salatu du herri plataformak

Tolosako inauterietan poliziak begian zauritutako gaztea indarkeria polizialaren biktima gisa aitortzeko eskatu du Xuhar herri plataformak. Mobilizazio batera deitu du martxoaren 16rako, Tolosan.


Sekretu Ofizialen Legea aldatzeko bideari ekin diote berriz ere Espainiako Kongresuan

Egungo Espainiako Gobernua osatzea ahalbidetu zuten alderdi gehienek onartu dute EAJk hirugarrenez aurkezturiko proposamena Espainiako Kongresuan, baina zalantzak daude hemendik aurrera PSOEk hartuko duen jarreraren inguruan, beste aldietan sozialistek ez baitute urrats gehiago... [+]


Eguneraketa berriak daude