Euskal estatuari buruzko galdeketa egiteko 9.139 sinadura jaso dituzte Debagoienan

  • Erain Debagoiena elkarteak debagoiendarrak zoriondu nahi izan ditu, euskal estatuari buruzko galdeketa egiteko beharrezkoak ziren 6.500 sinadurak gainditu direlako, eta guztira, 9.139 sinadura jaso direlako. Herri bakoitzean finkatu dituzte botoa emateko tokiak, eta gaineratu dute aurrez botoa emateko aukera ere izango dela.

Goiena @goiena
2016ko maiatzaren 18a

Euskal estatuari buruzko herri galdeketa egin ahal izateko, Debagoieneko eta Aramaioko herritarren %10en sinadurak jaso nahi zituen Erain Debagoiena elkarteak, eta jakinarazi dute, beharrezkoak zituzten 6.500 sinadurak gainditu dituztela eta guztira 9.139 jaso dituztela. Horregatik, debagoiendarrak zoriondu nahi izan dituzte: "Debagoiendarrok, zorionak! 9.139 sinadura, 9.139 borondate, 9.139 zilegitasun lortu ditugu, azken bi hiletan Debagoienean eta Aramaion egindako sinadura-bilketan. Babes handia da hori ekimenarentzat, eta, zuen bultzadari esker, indarrez eta konfiantzaz helduko diogu ekainaren 5eko herri-galdeketari", esan du Erain Debagoiena elkarteko Lierni Olmedok.

Herri galdeketa horretan, herritarrek galdera hau erantzun beharko dute: izan nahi al duzu euskal estatu independente bateko herritar?

Bozkatzeko informazioa

Herri bakoitzak dagoeneko finkatu ditu botoa eman beharreko tokiak eta boto paperekin batera etxez etxe banatuko duten informazioan zehaztuko da guztia. Dena den, aurreratu dute ekainaren 5ean goizeko 09:00etatik arratsaldeko 20:00ak bitartean bozkatu ahal izango dela.

Eta aurrez bozkatzeko aukera ere izango dela gaineratu dute: "Ekainaren 5ean bozkatzerik ez dutenek aurrez egiteko aukera izango dute, oro har, maiatzaren 21etik ekainaren 4ra bitarte (biak barne), beren herriko Gure Esku Dago eta Erain lokaletan, astelehenetik ostiralera arratsaldeko 18:30etatik 20:30etara eta, asteburuetan, goizez ere bai. Herri batzuetan, auzoetara ere joango dira boto aurreratuaren bila". Edonola ere, etxez etxe banatuko duten informazio-orrietan emango dituzte xehetasun guztiak.

Hainbat ekitaldi

Ekitaldi ugari antolatu dituzte hemendik eta ekainaren 5era bitartean. Esaterako, gaur bertan Eskoriatzako Zaldibar antzokian hitzaldia izango da Anjel Oiarbideren eta Xabier Ezeizabarrenaren eskutik. Bertso saioak ere egingo dituzte, eta aurreratu dute baita ere kantu bat aurkeztuko dutela.

Gero, ekainaren 5a festa egun bat izatea nahi dute Erain Debagoienakoek. Horretarako, herri bakoitzean jai berezi egingo dute, baina oraindik antolatzen ari direnez, xehetasunak aurrerago emango dituztela azaldu dute.

 

Albiste hau Goienak argitaratu du eta CC-by-sa lizentziari esker ekarri dugu ARGIAra

Kanal honetan artxibatua: Gure Esku Dago

Gure Esku Dago kanaletik interesatuko zaizu...
2018-05-21 | ARGIA
Nafarroaren armarria osatuz, erabakitzeko eskubidea aldarrikatu du Gure Esku Dagok Iru˝ean

Ehunka pertsona bildu ziren joan den larunbatean Iruñean Nafarroaren erabakitzeko eskubidea aldarrikatzeko, Gure Esku Dago elkarteak deituta. Guztien artean giza armarri bat osatu zuten Gazteluko Plazan.


Fauna publikoa
Ordezkoen aulkian

Badirudi aro berri honek ere ondo dosifikatuta emango dizkigula hitz egiteko aukerak, alderdiei ez baitzaie kreditu politikorik faltako, ezta protagonismorik ere. Ordezkariak izango ditugu eta ordezkatuak izango gara, eta eskema horretan erabakitzeko aukera, azken hitza, batak edukitzen du, ez besteak.


2018-05-14 | Miren Osa Galdona
Iru˝eko giza armarrian parte hartzeko deia egin du Gure Esku Dagok

Nafarroako armarria irudikatuko dute maiatzaren 19an Iruñean. Bertaratzeko gonbita zabaldu du herri plataformak. Ekimena Gazteluko Plazan egingo dute, 12:00etan. Igandean Oteizan egin da erabakitzeko eskubidearen aldeko galdeketa. Nafarroako etorkizuna nafarren esku egon behar dela aldarrikatu dute antolatzaileek.


Euskal Herriarentzat nahi duten estatusari buruz erabaki dute 22 udalerritan

Gure Esku Dagok Araba, Bizkaia eta Nafarroako 22 udalerritan egin ditu herri-galdeketak igande honetan. 93.000 pertsona inguru zeuden deituta botoa ematera, eta 13.557k eman dute, deituta zeudenen %14,81ek.


2018-05-04 | ARGIA
Estatus politikoaz bozkatzeko galdeketak egingo dira igandean 23 udalerritan

Araba, Bizkaia eta Nafarroako 23 udalerritan galdeketak egingo dituzte igandean, Gure Esku Dago ekimenak bultzatuta. 90.000 lagun inguru daude Euskal Herriaren estatuz politikoaz bozkatzera deituak.


2018-04-19 | Miren Osa Galdona
Azaroaren 18an izango da Donostian erabakitzeko eskubideari buruzko galdeketa

Gure Esku Dagoren dinamikaren baitan galdeketa egingo duen lehen hiriburua izango da. Lan talde bat sortu dute eta maiatzetik aurrera hasiko dira zein galdera planteatuko duten aztertzen.


2018-04-17 | ARGIA
"Iruzur neo-estatutista" salatzeko deia egin dute Maulen, Amaiurren, Tolosan, Elgetan eta Gernikan ekainaren 9rako

Euskal Herriak Askatasuna plataformak ekainaren 9rako elkarretaratzeak eta ekitaldiak prestatu ditu Maulen, Amaiurren, Tolosan, Elgetan eta Gernikan. Gure Esku Dagok antolatutako giza-katearen aurreko egunean izango dira; hain zuzen ere, GEDren “iruzur neo-estatuista” salatu nahi dutelako, giza-katea EAEn soilik izango denez.


2018-04-16 | Arabako Alea
GEDek 1.000 arrazoi bildu ditu erabakitze-eskubidearen alde

GED Gure Esku Dago mugimenduaren eledun Zelai Nikolasek gaur Gasteizen iragarri duenez, dagoeneko, erakunde honek "1.000 arrazoi" bildu ditu erabakitze eskubidearen alde. Izan ere, mugimenduak 2.019 biltzeko asmo du ekainaren 10 baino lehen, egun horretan burutuko baita Donostia-Bilbo-Gasteiz lotuko dituen giza katea.


2018-02-04 | Andoni Mikelarena
Donostiatik Eusko Legebiltzarrera 201,9 kilometroko giza katea iragarri du Gure Esku Dagok

Larunbatean Donostiako Eureka! zientziaren museoan aurkeztu zuten ekimena erabakitzeko eskubidearen aldeko mugimenduko kideek. Donostia, Bilbo eta Gasteiz elkartu nahi dituzte ekainaren 10ean, horretarako gutxienez 100.000 lagun behar direla adierazi dute.


2018-02-01 | Andoni Mikelarena
The Basque right-to-decide movement is going to form a 202-kilometre human chain

"We are announcing the biggest demonstration ever to be held in the Basque Country" was how last week's message began. The organisers of Gure Esku Dago presented the project in front of the Donostia Eureka! science museum. They want to link the Basque cities of Donostia, Bilbao and Gasteiz on 10th June, 2018, and they will need at least 100,000 people to do so.


Azkenak
EGILEA
Eguneraketa berriak daude