Maiatzaren 22an Hernanin egingo den Eskolharria aldarrikapen egunaren bueltan mahai-inguruak eta hitzaldiak izango dira eskola parte-hartzaileaz, hezkidetzaz eta hizkuntzen trataeraz.
Sortzen elkarteak euskal eskola publikoaz hitz egin eta hausnartzeko mahai-inguru eta hitzaldi zikloa antolatu du Eskolharria, biharko herria! izenburupean. Maiatzaren 22an aldarrikapen eguna egingo dute Hernanin –duela 25 urte herri horretan eratu zen Sortzen, euskal eskola publiko berria eskatzeko–. Mugarri horren aurretik baina, edukiz beteriko egitarau zabala partekatuko dute hezkuntzako eragileen artean.
Lehen mahai-ingurua martxoaren 17an izango da Eibarren; ikasle euskaldun eleaniztunez ariko dira Zefe Ziarrusta Dima-Ugaranako eskolako irakaslea, Aitziber Gurutzeaga Egiako Aitor ikastolako ama, eta Richard Weydling ingeleseko irakasleen irakasle ohia eta kazetaria.
Egitarau osoa:
Leringo hainbat gurasok herriko eskola publikoan D lerroa irekitzeko eskatu zuten iaz, baina nahiz eta legeak markatutako gutxiengo eskari kopurua gainditu, gurasoek ez dute aukera hori izango, Nafarroako Gobernuaren iritziz “Leringo eskolak ez duelako espaziorik D eredua... [+]
Nafarroako D ereduko ikastetxe publikoetan azpikontrataturiko zenbait zerbitzutan ez da euskara eskatzen, eta ondorioz, haurrekin zuzenean ari diren langile batzuek ez dakite euskaraz, adibidez autobusetako zaintzaileen artean. Hala salatu dute Behatokiak, Sortzen elkarteak eta... [+]
Sortzen elkarteak Iruñeko urteroko festari eutsi zion atzo Takonera parkean, baina eguraldia dela eta ekitalde ugari bertan behera utzi behar izan zituen, batez ere goizaldean eta eguerdian. Goizean, hala ere, Hodei magoaz gozatu zuten gazte eta helduek eta arratsaldean... [+]
Takonerako lorategien inguruan egingo da festa etzi, maiatzaren 19an. Bi gune hartuko ditu: Vista Bella eta Bosquecillo kalea. Aurtengo leloa da Euskaratik guztion eskola sortzen eta, zentzu horretan, euskarak bustiko du jai eguna. Ondorengo lerroetan egunean zehar bertan izango... [+]