argia.eus
INPRIMATU
Europari buruzko zalantzak argitzeko jardunaldiak Bilbon

  • Martxoaren 27tik apirilaren 5era bitartean Europa erronka? jardunaldiak egingo dira Bilbon, Gite-Ipes elkarteak antolaturik, eta ARGIAren parte hartzeaz. Europaren geroaz arituko dira parte hartzaileak, mundu zabalean jokatzen duen rolaz batetik, eta Euskal Herrian duen eraginaz bestetik.

ARGIA @argia 2014ko martxoaren 26a
"Maiatzaren hondarrean bozetara deituak izango gara, eta hauteskunde kanpainaren zirimolak lagunduko ez duenez, Europaren gainean dugun ezagutza eta hausnarketa gabezia ase nahiko genuke".
"Krisi testuinguru honetan, Europar Batasunaren oraina eta geroaren gaineko zalantza piztu da; euroaren geroaz, erritmo ezberdinetako Europez, Troikaren dinamizazioaz, hegoaldeko herrialdeez, erreskateez... ari gara etengabe", diote antolatzaileek. "Elementu horiekin egiten dugu topo tokiko irakurketa politiko eta ekonomikoak egiten ditugunean eta ezinbestekoak dira burujabetza prozesuetan dauden herrialdeen geroa marrazterako orduan. Zer esanik ez, Europan sozialismoa eraikitzeko bideez aritzen garenean".
 
"Maiatzaren hondarrean bozetara deituak izango gara, eta hauteskunde kanpainaren zirimolak lagunduko ez duenez, Europaren gainean dugun ezagutza eta hausnarketa gabezia ase nahiko genuke".
 
Hona egitaraua:

EUROPA MUNDUAN

Europa munduko joko zelaian kokatuko dute "termino globaletan", "inperialistetan", Europar Batasunaren estrategia ekonomiko zein politikoa argitze aldera.

Hitzaldia: martxoak 27 – 19:00 – Zirika! lokalean - gazteleraz

Iñaki Gil de San Vicente – La evolución del marco territorial europeo al servicio del capital

Mahai ingurua: martxoak 29 – 10:00 – La Bolsa eraikinean– euskaraz

Joseba Felix Tobar-Arbuluk, Txente Rekondok eta Unai Vazquezek hartuko dute parte. Moderatzailea Unai Brea ARGIAko kazetaria izango da.

EUROPA EUSKAL HERRIAN

Europak Euskal Herrian zer eragin duen eztabaidatuko dute. EBren politiken nondik norakoak ezagutu eta haien ondorioak aztertuko dituzte sektore zehatzetan: lehen sektorea, hezkuntza, emakumea, justizia, gazteria, bazterketa...

Hitzaldia: apirilak 3 – 19:00 – Zirika! lokalean - gazteleraz

Nekane Jurado – Mujeres y pobreza ante Europa

Mahai ingurua: apirilak 5 – 10:00 – La Bolsa eraikinean– euskaraz

Esti Redondo, Karmelo Landa eta Xabier Lasa izango dira hizlariak. Moderatzaile lanak Hamaika Telebistako Nagore Uriartek egingo ditu.