Europar industria farmazeutikoak ez du TTIPen aukera alferrik galdu nahi

  • Lobbyen jarduna hurbiletik jarraitzen duen Corporate Europe Observatory (CEO) elkarteak Europar Batasuneko farmazia-industriari buruzko Policy prescriptions txostena aurkeztu du. Diotenez, 2014an sektore farmazeutikoak gutxienez 40 milioi euro gastatu zituen euren aldeko politikak sustatzeko saiakeran, osasungintzaren alorrean diharduten gizarte zibileko taldeek baino hamabost aldiz gehiago.

Unai Brea @unaibrea
2015eko irailaren 03a
Policy prescriptions (Politiken preskripzioa) txostenaren azala.

40 milioi horietatik, 23 milioi konpainiek eurek zuzenean gastatu zuten. Gainerakoa, erdibana, konpainia bat baino gehiagok osatutako elkarteek eta haientzat lan egiten duten lobby-enpresek.

Kopuruok aitortutakoak dira, hau da, EBren Gardentasun Erregistroari adierazitakoak. CEOren ustez, baliteke benetako zifra handiagoa izatea, erregistroari egindako gastuaren berri ematea borondatezkoa baita, eta konpainiek arlo horretan duten gastua inork ez baitu zehazki neurtzen.    

Txostenaren arabera, farmazeutikoen lobby lana areagotu egin da EB eta AEBen arteko merkataritza eta inbertsio itunaren (TTIP) negoziazioak hastearekin batera: “Industria farmazeutikoak uste du TTIP bere asmoak lortzeko aukera dela”, dio CEOk. Hala, industriaren ordezkari ugari sarritan bildu dira Europako Batzordeko kideekin, euren nahiak agertzeko asmoz.

Besteak beste, konpainiek nahi dute TTIPek jabetza intelektualari buruzko araudia gogortzea, eta hala, sendagai jakin baten monopolioa izateko eskubideak luzeago irautea. Horrek sendagai generikoen merkaturatzea atzeratuko luke eta eragina edukiko luke botiken prezioan. Ondorioetako bat izango litzateke pertsona askorentzat zailagoa izango litzatekeela zenbait sendagai eskuratzea, batez ere Hegoalde Globaleko herrialdeetan, baina Europan ere bai.   

Bestalde, 2016an indarrean sartzekoa den probasaio klinikoei buruzko araudia mugatu nahi du industriak. Araudi horren ondorioz, konpainiek gardentasun handiagoz jokatu beharko dute probasaioetan lortutako emaitzei dagokienez. Haien argudioa da sendagai berrien gaineko zenbait datu zabaltzeak merkataritza-sekretuari kalte egin diezaiokeela.

Halaber, konpainia farmazeutikoek TTIP baliatu nahi dute medikamentuen prezioari buruzko erabakietan parte hartze zuzenagoa izateko.

 

 


TTIP/TAFTA kanaletik interesatuko zaizu...
2016-11-23 | Unai Brea
CETA akordioa Europako Auzitegian aztertzeari ezetz esan dio Europarlamentuak

Europako Legebiltzarraren gehiengoak ezetz esan dio Europar Batasunaren eta Kanadaren arteko merkataritza eta inbertsio ituna (CETA) Europako Justizia Auzitegiak azter zezala eskatzeko aurkeztutako mozioari. 258 parlamentarik bozkatu dute proposamenaren alde, eta 419k aurka. Otsailean erabaki beharko du Europako Legebiltzarrak CETAri onespena ematen dion ala ez.


2016-11-21 | Hamaika Telebista
Nekazaritza: nekazaririk gabeko eredurantz?
MULTIMEDIA - Ertzak

Nekazaritzari buruz hitz egiten dugunean, nolako etorkizuna ikusten diogu lehen sektoreari? Nekazaririk gabeko nekazaritza posible da? Nola eragingo dute TTIP eta CETA bezalako akordioek lehen sektorean? Galderen erantzunen bila, EHNE sindikatuko Imanol Ibero eta Gari Nazabalengana jo dugu.


2016-11-10 | Unai Brea
"Valoniak erakutsi du merkataritza askeko akordioei aurre egitea posible dela"

“TTIP eta CETA ezartzearren herritarrek aukeratutako parlamentu eta gobernuen aurka joko dutela frogatu du Valoniarekin gertatutakoak”, diosku Júlia Martík, Euskal Herrian TTIPari Ez! kanpainako bozeramaileetako batek. Azaroaren 5ean merkataritza askeko akordioen aurka mobilizatu ostean, presio egiten jarraitzeko unea dela dio Martík. Mugarri hurbilena urtarrilean du akordioon aurkako mugimenduak: orduan erabakiko du Europako Legebiltzarrak EB eta Kanadaren... [+]


TTIP eta CETA akordioen aurkako mobilizazioak larunbatean Hego EHko hiriburuetan

Larunbatean, azaroak 5, Hego Euskal Herriko hiriburuetan TTIP eta CETA akordioen aurka mobilizatzeko deia egin dute Euskal Herriko Eskubide Sozialen Kartak eta TTIP/CETA Ez plataformak.


2016-10-30 | Juan Mari Arregi
Ez ezazu irentsi

Hainbat plataforma sozialek ohartarazi dute zein ondorio izango dituen AEB eta EBren arteko merkataritza eta inbertsio itunaren (TTIP) negoziazioak. Munduko merkatu handiena sortuko du. Baina itun hori, CETA edo beste batzuk bezala, ez da merkatu akordio hutsa. Enpresa handiei eta transnazionalei mesede egin eta produktore txikiak, kontsumitzaileak, merkatariak eta herritarrak kaltetuko ditu. Plataforma horiek dei egin dute itunak “ez irenstera”, kapitalismoaren espresioa direlako.


2016-09-02 | Unai Brea
Austriako Gobernua ere igo da TTIP zalantzan jartzen duten erakundeen trenera

Alemania eta Frantziako gobernuetako kideek TTIPez egindako adierazpenen ostean, Austriaren txanda iritsi da. Bertako gobernuko bi kide esanguratsu EB eta AEBen arteko merkataritza askeko akordioaren aurka azaldu dira ordu gutxiko tartean; Christian Kern gobernuburuak dagoeneko adostuta dagoen Kanada eta Europaren arteko CETA ituna ere kritikatu du.


2016-08-30 | Unai Brea
TTIPen negoziazioa eteteko eskatuko duela esan du Frantziak

Frantziak EBko beste estatuei eskatuko die Europa eta AEBen arteko merkataritza askeko akordioaren (TTIP) negoziazioak eteteko, Matthias Fekl Kanpo Merkataritza estatu idazkariak RMC irratiari emandako elkarrizketan esan duenez. Haren ustez, negoziazioak ezkutukeriaz egin dira orain arte, eta horrek konfiantza falta handia eragin die herritarrei. Prozesua gelditu eta etorkizunean AEBekin bestelako negoziazio bati ekitearen alde azaldu da estatu idazkaria.


TTIParen negoziazioek "huts egin dute" Alemaniako ekonomia ministroaren arabera

Alemaniako kantziler orde eta ekonomia ministro Sigmar Gabrielen ustez, akordioak kale egitearen arrazoia “europarrok amerikarren nahiei men egin nahi ez izana” da.


2016-05-25 | Etxalde
Ossau Irati, Idiazabal edo Erronkari gasnak Kanadan ekoiztuak CETArengatik?

Europa eta Kanadaren arteko libre merkatuko akordioak hainbat sor marka ez ditu babesten. Ossau Irati ardi gasna sor marka horietarik da eta ELB sindikatak salatu du joan den astean CETA izeneko akordioa onartua balitz, Ossau Irati eta beste hainbat izen libreki erabiltzen ahalko dituztela Kanadako laborari eta enpresek.


2016-05-20 | Unai Brea
Nori egiten dio mesede TTIPen agirien filtrazioak?

TTIPen aurkako kanpainan daudenentzat, filtrazioa arma bihurtu da, akordioaren kontra darabiltzaten argudioak baieztatzen ditu eta. Baina pribatuki filtraziookin zuhurtziaz jokatu beharra aipatzen dute. Sinple esateko: AEBen jarrera “gogorra” nabarmentzeak balio lezake etorkizunean EBren proposamen “leunago” batzuk justifikatzeko.


Eguneraketa berriak daude