Europan biztanleko polizia kopururik handiena duen herrialdea da Euskal Herria, Zipreren atzetik
165 biztanleko polizia bat dago Euskal Herrian, Espainiako Polizia, Guardia Zibila, Ertzaintza, Frantziako Polizia, Jendarmeria eta Nafarroako Foruzaingoa kontuan hartuta.
Europar Batasunak 500 biztanleko polizia bat izatea gomendatzen du, eta Euskal Herrian hiru daude egun. Zehazki, 100.000 biztanleko 607 polizia daude, Europako Estatistika Batzordeko (Eurostat) datuen arabera.
Bertan sartzen dira Espainiako Poliziako 2.000 agente, 4.800 guardia zibil, 8.000 ertzain, Frantziako Poliziako eta Jendarmeriako 2.200 agente eta Nafarroako Foruzaingoako 1.100. Zifra horietatik kanpo daude bi estatuetako armada eta bizkartzainak. Efe agentziaren arabera, liskarren kontrako polizien bi talde daude Iruñean, eta bat Bilbon.
Zipreren atzetik kokatuta dago Euskal Herria. Izan ere, Eurostat-eko datuek diotenez, Zipre da Europan polizia dentsitaterik handiena duen herrialdea, 100.000 biztanleko 611 poliziarekin. Estatuen rankinean ordea, Espainiako Estatua litzateke bigarren. 100.000 biztanleko 534 polizia ditu, orotara, 249.900 agente. Alemaniako zifra ere antzerakoa da, baina 35 milioi biztanle gehiago dago bertan.
Delitu kopuruari dagokionez, aldiz, batez bestekotik behera dago Espainiako Estatua, 100.000 biztanleko 4.846 deliturekin. Suedia litzateke kasu horretan Europan zifrarik handiena duen herrialdea, zehazki 100.000 biztanleko 14.791 delitu.
Plataformak salatu du indarra neurriz kanpo erabiltzen dela migratzaileen eta arrazializatuen aurka, eta saltzaile ibiltarien aurkako jazarpena etengabe egiten dela, batez ere turismo handiko garaietan, oporraldietan.
Manifestazioa egingo dute ostegun arratsaldean, 19:30ean,... [+]
Agintaritzaren aurkako atentatua egitea leporatu diete bi atxilotuei. Ertzaintzak adierazi duenez, bi polizia agente zauritu zituzten igandeko operazioan.
Tiroa “ustekabekoa” izan zela adierazi du Eusko Jaurlaritzako Segurtasun Sailak. Batek belaunean zuen zauria eta besteak eskuan.
2018 eta 2022 artean, gutxienez 32 aldiz erabili zuen arma hori Ertzaintzak. 2017an, Jaurlaritzak 50.687 euro bideratu zituen taser pistolen erosketara. Azken hilabeteetan, dozenaka pertsona zauritu dituzte ertzainek hamaika polizia-kargatan.