Europako kazetariak autozentsuratzen dira beldurraren ondorioz
Europako Kontseiluak egindako inkesta batek erakutsi du lanean jasotzen dituzten mehatxuen ondorioz autozentsuratzen direla Europako kazetariak. Inkestan parte hartu duten kazetarien herenak eraso fisikoak jaso ditu eta %69k psikologikoak.
Biolentzia psikologikoa da maizago errepikatzen dena: kazetarien %69k mehatxuak, irainak eta umilazioak jaso ditu lanean. Ondoren cyberbulling-a dago, %53k sufritu ditu Internet bidezko irainak, akusazioak eta difamazio publikoa. Hirugarren tokian interesak dituzten taldeek eginiko mehatxuak daude, %50arekin. Atzetik daude eraso fisikoen mehatxuak (%46), talde politikoen presioak (%43) eta Poliziak beldurrarazi izana (%35).
Azken urteetan prentsa askatasunaren aurkako mehatxuek gora egin dute Europan. Arazoari irtenbidea bilatzeko “Kazetariak presiopean: injerentzia, beldurra eta autozentsura Europan” ikerketa martxan jarri du Europako Kontseiluak eta horren barruan egin du aipaturiko inkesta, 940 kazetariren parte-hartzearekin.
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.
Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]
Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]