Donostiako Egia auzoan dagoen Europako hizkuntzen mapa ez lekualdatzeko eskatuz argazki masiboa egitera deitu du Bagerak ostiralerako. Martxoaren amaieran Donostiako Udalak mapa lekuz aldatzeko asmoa duela zabaldu ostean, sare sozialetan #MapaEzIkutu aldarrikapena ikusgarri egin dute euskaltzaleek.
Martxoaren 10erako egin duten deialdia, 18:30ean. Irutxuloko Hitzak gogoratu duenez, ostiralean urte bat beteko da mapa jarri zutenetik, eta urtemuga baliatuko dute atxikimendua adierazteko. Hau izango da argazki masiboaren leloa: "Hizkuntza txikiek mundua handitzen dute, egin ditzagun ikusgarri".
Manex Izagirrek eta Iñaki Rifaterrak egindako lana da. Donostian hitz egiten diren Europako jatorrizko 91 hizkuntza biltzen ditu. Hizkuntza bakoitzak egurrezko pieza bat du. 2016 Europako Kultur Hiriburutzaren barruan hizkuntz aniztasuna sustatzeko Euskarriak proiektuko parte da artelana.
Maparen ondoan lelo hau irakur daiteke hizkuntza gutxituetan idatzia: "Hizkuntza txikiek mundua handitzen dute".
Donostiako euskaltzaleen Bagera elkarteak mapa ez kentzeko eskatu du.
Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]
Carolina Gandulfo doktorea. Argentinan jaioa, Ipar-ekialdeko Unibertsitate Nazionaleko Humanitate Fakultateko irakaslea. Iragan udazkenean Garabidek gonbidaturik egonaldia egin zuen gure artean, eta mintzatu zitzaigun Argentinako guaranieraz. Ikastetxe bateko esperientzia... [+]
Netflix, Amazon Prime eta Disney+en, Hizkuntza Gutxituen Europako Gutunak onartzen dituen bost hizkuntza baino ez dituzte erabiltzen. Bosten artean nagusi da, alde handiz, katalana. Ondoren datoz galiziera, euskara, luxenburgera eta Eskoziako gaelikoa. EHUko Nor Ikerketa Taldeak... [+]