Europako biztanleriaren %90 baino gehiagok aire kutsatua arnasten du
Europarren %90 baino gehiago Osasunaren Mundu Erakundeak (OME) ezarritako aire kutsadura mugak gainditzen diren lekuetan bizi da, Europako Ingurumen Agentziak (EIA) argitaratutako txostenaren arabera. 2002tik 2011ra arteko datuak neurtuz argitaratutako lana da, eta airearen urtea denaren baitan kaleratu da.
Arazo bereziki larritzat jotzen da, kutsagarrienetako moduan ezagutzen den PM2,5 partikulena. Europan 2015erako metro kuboko 25 mikrogramora mugatzea aurreikusten da, eta oraindik eztabaidagai badago ere, 2020rako metro kuboko hogei mikrogramora jaitsi daiteke. OMEk gomendatzen duen hamar mikrogramoko kopurutik urruti dago oraindik halere, eta AEBetan ezarrita dagoen hamabost mikrogramoko neurritik gora.
Europan urtean 400.000 heriotza goiztiar izaten direla argitaratu du EIAk. Hainbat osasun arazo sortzen ditu aireko kutsadurak: nerbio sistema zentralean eragin; buruko mina eta antsietatea sortu; bihotzeko gaixotasunak; begi sudur eta eztarriko narritadura; arnasketa aparatuan arazoak (inflamazio, infekzio, asma, buxadura kronikoak…); gibel, bare eta odoleko arazoak eta ugalketa aparatuan eragiten du, besteak beste.
Bestalde,Ekologistak Martxanek azaldu du urriaren 22an 2012ko Espainiako Estatuko aire kutsadurari buruzko azterketa argitaratuko duela.
Euro 7 araua, isuriak murriztea helburu duena, aurreikusitakoa baino beranduago sartuko da indarrean: ibilgailu arinen kasuan 2027an eta 2029an astunen kasuan.
Ortuellako udalerria herritarren mobilizazio baten lekuko izan ziren atzo, Barguilla auzoan, Sader enpresaren instalazioa berria jartzeko proiektuaren aurka. Ortuellan Sader Ez auzo-plataformak deitutako manifestazio honetan, Ekologistak Martxanek ere laguntzen duena, fabrika... [+]
Aspaldi ez bezala gure etxean marrubiak (Fragaria x ananassa) jan eta jan ari gara udazkenaren sarrera ospakizun hauetan. Ez da gertaera makala, izan ere udazkena da marrubidian lanerako sasoi nagusia. Marrubidia osatu eta gaztetu edo erabat berritzeko landaketak orain egin ohi... [+]
Osasunaren Mundu Erakundeak (OME) airearen kalitateari buruzko gomendio berriak argitaratu ditu asteazken honetan, 2005az geroztik zituenak baino zorrotzagoak, kutsadurak mundu osoan eragiten dituen urteko zazpi milioi heriotzak geldiarazteko asmoz.
Aire Zaintzaileak ekimenak ezagutzera eman dituen datuen arabera, Espainiako Estatuan neurtu dituzten 28 udalerrietatik Erandio da aire kutsatuena duena, Madril edo Bartzelonaren aurretik. Ikerketa antolatu duten elkarteetako bozeramaileek azaldu dutenez, harrituta daude emaitza... [+]