Brexit

Europar Batasunetik ateratzea erabaki du Erresuma Batuak

  • Europar Batasunetik ateratzea erabaki du Erresuma Batuak ostegunean egin zuen erreferendumean. Boto emaileen %51,9k ateratzearen alde egin du eta EBn %48,1ek geratzearen alde. Brexit-aren aldekoek 1,2 milioi boto gehiago atera dituzte.  Partehartzea %72,2koa izan da.

    Eskozia eta Ipar Irlandako herritarren EBn geratzearen alde egin dute eta SNP alderdiak iragarri du jada Eskoziaren independentziaren aldeko beste erreferendum bat deituko dutela.

    Aukera hor zegoen, baina oro har, baietzak ezustean harrapatu du Europako Batasuna. Ateratzea ez da automatikoa izango eta bi urteko epea izango da hau ordenaz egin ahal izateko.

    Erreakzio gisa, Europako burtsak erortzen ari dira; iragarpenek diote %11ra arte erori daitezkeela. Asiako burtsek ere beherakada izan dute. Librak ere bere historiako erorketa handienetakoa izan du eta 1985ean zuen baliora itzuli da. Euroa ere erortzen ari da eta dagoeneko 1,10 dolarretik behera egin du.

     

ARGIA @argia
2016ko ekainaren 24a
Tony Blairrek "epelegi" aritu izana leporatu dio Jeremy Corbyni


Sky News kateari egindako deklarazioetan Tony Blair lehen ministro ohiak laboristen gaurko buru Jeremy Corbyni aurpegiratu dio ez duela aski indarrez lan egin Britainia Handia Europar Batasunaren barruan gelditzearen alde, ez dituela laborista bozkatu ohi duten herritarrak nahikoa mobilizatu ulertu zezaten Brexitaren benetako funtsa.
 

Galesko lehen ministro Carwyn Jones Europatik irteteko negoziaketan egon nahi du


Kezkatuta dagoelako Galesek lanpostu asko galdu ditzakeela eta, Galesek negoziaketa mahaian egon behar duela esan du.

Ipar Irlandako gobernu bateratuak eutsi ahal izango dio?

Ipar Irlandako gehiengoak (%54) Europar Batasun barruan jarraitzearen aldeko botoa emanda baina Britainia Handiak osotasunean irtetea bozkaturik, bi balorazio arras kontrajarriak erreferendumaren ostean egin dituztenak Belfasteko gobernutik.

Arlene Foster lehen ministroa (unionista) pozik agertu da britainiarrak Europar Batasunatik irtengo direlako. Aldiz, lehen ministro ordea den Martin McGuinessek (Sinn Fein) emaitza deitoratzeaz gain iradoki du Ipar eta Hego Irlanda osoaren arteko bozketa bat Europan jarraitzeari buruz.

 

Goizeko lehen orduan Londresko burtsak historiako jaitsierarik handiena izan du

Azken hamarkadotako paniko unerik urduritsuena bizi izan da Londresko burtsan ostiral goizean, Europar Batasunatik ateratzeko botoak nagusitu ostean. FTSE 100 indizea %8ko jaitsierarekin abiatu zen. Ordu eta erdi beranduago, David Cameronek dimitituko duela iragarri ostean, gauzak zerbait baretu dira Londresko finantzen merkatuan. Ingalaterrako Bankuko buru Mark Carneyk adierazpen ofizial bat egin du egoera berria kontrolpean daukala, beharrezko neurri guztiak hartuta zeudela aurretik.


 

Salmondek iradoki du bigarren erreferenduma Eskozian independentziaz

BBC Scotland irratiari egindako deklarazioetan adierazi du Alex Salmondek erreferendumaren emaitzak errotik aldatzen duela Eskozial Britainia Handian daukan leku konstituzionala. Eskozian irabazi dute Europar Batasunean segitzearen aldeko botoek. Nicola Sturgeon liderrak gaur goizean zehaztuko du bere posizioa.

David Cameron Erresuma Batuko Gobernuko lehen ministro kontserbadoreak urriarako dimisioa emango duela iragarri du, erreferendumean bere jarrerak porrot egin duela aitortu ondoren. Brexita nagusitu eta gero, "bera ez dela herrialdea gidatzeko kapitainik egokiena" adierazi du.

Kanal hauetan artxibatua: Brexit  |  Erresuma Batua  |  Burtsa  |  Europar Batasuna

Brexit kanaletik interesatuko zaizu...
2017-06-22 | ARGIA
Brexit-aren aurkako mezua Ingalaterrako erreginaren kapeluan?

Asteazkenean egin du Ingalaterrako erreginak lehenbiziko hitzaldia parlamentu britainiarrean azken hauteskundeen ondoren. Hitzaldiaren edukiak baino, jantzi zuen sonbreiruaren esanahi politikoari buruzko espekulazioek eman dute zeresana ordea.


2017-06-09 | Xalba Ramirez
Kontserbadoreek gehiengoa galduta, Irlandako unionistengana jo du May-k gobernua osatzeko

Alderdi Laboristaren gorakadak Erresuma Batuko gobernagarritasuna zalantzan jarri du, Brexitaren negoziaketak hasi baino hamar egun lehenago. Gehiengoa galdu du Theresa May-k eta aliantza berriak egin beharko ditu gobernuan gutxiengoan sortzeko. Ipar Irlandako DUP alderdiarekin akordioa itxi dute.


2017-05-25 | ARGIA
Irlanda batzeko erreferenduma egin nahi du Sinn Feinek bost urteko epean

Alderdi errepublikazale irlandarraren arabera, urgentzia handiagoa dauka irla bi estatutan banatuta egoteari uzteak Brexitaren ostean.


Brexit "gogorra", leiho berri bat Eskozia independentea EBn geratzeko?

Eskoziako  independentziaren inguruko bigarren erreferenduma prestatzen ari da SNP alderdia. Horretarako atzerriko laguntza beharrezkoa dute.


Brexit-a eta ezkerraren krisia

Europako Batasuneko egungo oinarri neoliberala astintzeko ezkerreko sektoreek Brexitaren eztabaida baliatu behar dutela defenditzen du Asbjørn Wahl pentsalari ezkertiarrak. Salatzen du ezkerreko hainbat sektore ari direla elikatzen EBtik ateratzeak eskuin muturra elikatuko duela.


Corbynen lidergoa berretsi dute Erresuma Batuko laboristek, botoen %62rekin

Urtebetean bigarrengoz irabazi ditu Jeremy Corbynek Erresuma Batuko Alderdi Laboristaren barne hauteskundeak. 2015eko irailean botoen %59 haren aldekoak izan ziren. Partaidetza zazpi puntutan igo da oraingoan, eta %3 igo da bere aldeko babesa.


2016-08-23 | Unai Brea
Brexitaren ondorena: eraso arrazisten gorakada nabarmena Erresuma Batuan

Ekain erditik uztail erdira bitartean 6.000 salaketa baino gehiago jaso dira Gales, Ingalaterra eta Ipar Irlandan, garraiobide publikoetan egindako erasoak direla eta. 2015eko sasoi berarekin alderatuta ia %80koa da igoera.


Corbyn eta Smithen artean hautatuko dute laborista britainiarrek, zatiketaren arriskupean

Brexitaren emaitzak bultzatu du galdeketa: Corbynek sindikatu eta militante askoren babesa du, baina aurka du Westminstergo parlamentuko diputatu laboristen gehiengo handi bat.


Irlandak "bateratze erreferenduma ikus dezake", Micheál Martinen arabera

Fianna Fail alderdiko buruak dio Ipar Irlandako gehiengoak EBn jarraitzearen alde egin izana lurraldearentzat “definitzeko momentua” izan daitekeela.


2016-07-17 | Asier Blas
Ezkerra jokoz kanpo "Brexit"-ean

Katalunian CUPek Erresuma Batua (UK) Europar Batasunetik (EB) irtetea babestu zuen bitartean, Ezker abertzalea Brexitaren aurka agertu zen. Espainia erreformatzea ezinezkoa dela diotenek Europar Batasuna erreformatu daitekeela errepikatzen dute. Arraroa. Espainia zaila bada erreformatzea, askoz ere zailagoa da EB erreala erreformatzea. Halere, EB alda daitekeela pentsatzen bada, UK-ren irteera beharrezko baldintza da, nahiz eta ez izan nahikoa. Britaniarrek urte asko daramatzate EBren barne... [+]


Eguneraketa berriak daude