Europak Oiolako urtegiaren garbiketa finantzatuko luke, bertoko erakundeek proiektu bat aurkeztuz gero

  • Europako Batzordeak finantzaketa lortuko luke Trapagareneko Oiolako urtegiaren arazoa konpontzeko, eskumena daukaten erakundeek behar bezalako proiektua aurkeztuz gero. Hala jakinarazi die Daniel Calleja Batzordeko Ingurumen zuzendariak Oiolako Urtegiaren Deskonexioaren Aldeko Plataformako kideei, Bruselan egindako bileran.


2016ko martxoaren 15an - 15:28
Oiolako Urtegiaren Deskonexioaren Aldeko Plataformako kideak, Europako Batzordearen egoitza baten aurrean.

"Amaia del Campo Barakaldoko alkateari deia egin egin nahi diogu arazo honi elkarrekin aurre egiteko", esan du Javi Vázquez plataformako bozeramaileak. "Behin betiko irtenbidea eman behar zaio Damoklesen ezpata horri; pozoitutako urtegi bat ezin daiteke ur hartunea izan".  

Barakaldoko eta Sestaoko milaka biztanlek hainbat urtez edan eta erabili dute Oiolako ura, lindanoz kutsatutakoa. Legeak esan arren lindanoa onargarria dela kopuru batetik behera, plataforma osatzen duten taldeek behin eta berriro azpimarratzen dute ez dagoela substantzia horretarako balio segururik, gorputzean metatu egiten baita.

Une honetan Oiolarekiko konexioa behin-behineko etenaldian dago. Plataformaren eskaria da etenaldia behin betikoa izan dadila, kutsadurarik batere egongo ez dela ziurtatu arte behintzat. Gaur-gaurkoz ezezaguna da Oiolako lindano horren jatorria, urtegira zein bidetatik iristen den jakina bada ere.    

Oiolatik deskonektatzearen aldekoak Europar Parlamentuko Eskaera Batzordean ere izan dira. Batzorde horretako presidenteak, Cecilia Wikströmek, adierazi die euskal erakundeei eskutitzak bidaliko dizkietela, kutsaduraren jatorria bila dezaten eskatuz. Gaineratu dutenez, Eusko Jaurlaritzak ez die erantzun gaiari buruz egin dizkioten informazio eskaerei.


Kanal honetatik interesatuko zaizu: Oiolako urtegia
2017-09-27 | Unai Brea
Lindanoz kutsatutako guneen garbiketa ziurtatu dadila eskatu dute ekologistek Eusko Legebiltzarrean

Ekologistak Martxan taldeko ordezkariak Eusko Legebiltzarreko Ingurumen Batzordean izan dira, EH Bilduen eskariz, Espainiako Estatuan lindanoak eragindako kalteei buruzko txostena aurkezten. Europako Legebiltzarrean egindako azken bisitan talde politiko guztiek arazoari... [+]


2017-06-07 | Xalba Ramirez
Lindanoa, osasunerako eta ingurumenerako mehatxua hamarkadak igaro ostean ere

Lindanoak Espainiako Estatuan eragindako kutsadurari buruzko txostena argitaratu du Ekologistak Martxanek, Pozoitze iraunkor eta isil baten kronika izenburupean. Taldeko bozeramaile Javier Vázquez Velascok Barakaldon aurkeztu duen txostenean azken mendean fabrikatutako... [+]


2016-03-14 | ARGIA
10. Ekozinemaldia dator, energi trantsizioa ardatz

Ekozinemaldiak hamargarren edizioa du 2016an. Ekologia sozialari buruzko dokumentalak eta film luze eta laburrak eskaintzen ditu Ekologistak Martxanek antolatutako ekimenak; aurten energi eredua, klima aldaketa eta energi trantsizioa izango ditu ardatz nagusi.


2016-03-14 | Unai Brea
Oiolako urtegiaren arazoa konpontzeko eskatuko dute Europako Legebiltzarrean

Joan den azaroan Marina Albiol (Izquierda Unida) eta Josu Juaristi (EH Bildu) europarlamentarioen bisita jaso eta gero, Oiolako Urtegiaren Deskonexioaren Aldeko Plataformako zenbait kide Europako Parlamentuan izango dira martxoaren 14 eta 15ean, bertako Eskaera Batzordean... [+]


2015-11-27 | Unai Brea
Lindanoz kutsatutako Oiolako urtegian europarlamentarioak bisitan

Oiolako Urtegiaren Deskonexioaren Aldeko Plataformako kideek ondo ezagun dute Europako Legebiltzarrera joateko bidea. Orain, berriz, hango diputatu biri egokitu zaie Barakaldora bisita egitea: EH Bilduko Josu Juaristi eta Izquierda Unidako Marina Albiol. Biek ala biek gertutik... [+]


Eguneraketa berriak daude