EuropaCity atzera bota dute epaitegiek: Parisko azken baserriak salbatuko ote dira?

  • Parisko Roissy-Charles De Gaulle aireportuaren inguruetan 300 hektarea desjabetu zizkieten baserritarrei eta lur jabeei, bertan eraikitzeko hipermerkatuak, parke tematikoa eta horiei lotutako azpiegitura berriak, Auchan taldeak ( Decathlon, Simply, Kiabi, Alcampo, Leroy-Merlin, Bricomart, Norauto, Midas, Sabeco) antolatutako operazioan. Auzitegiek arrazoi eman diete aurkako militanteei, agintariek emandako Ingurumen Baimenean gauzak oker egin zituztelako  

Pello Zubiria Kamino @pellozubiria
2018ko martxoaren 13a
Jacques Poix nekazaria bere soroan lanean EuropaCity eraiki nahi duten Gonesseko eremuan.

Paris inguruetan desafio itzela jokatu da hilabeteotan. Alde batetik munduko bi enpresa talde indartsuenetakoak 3.100 milioi euroko negozioa errematatu nahian. Bestetik, 26.000 biztanleko Gonesse herria, hiriburuaren azpiegitura eta zerbitzuz dagoeneko gainezka egonik bere azken soro emankorretatik 300 hektarea gal ditzakeena, etxalde, nekazari eta guzti. Notre Dame des Landeseko ZADaren ondoan, apuntatu EuropaCity izena alferrikako proiektu erraldoien artean. ARGIAk azaldu zuen afera "Parisko azken baserriek ez dute hil nahi itota alferrikako hormigoitan" kronikan.

Frantziako prentsak zabaldu du Cercy-Pontoiseko auzitegiaren erabakiaren berri. Le Figarok, esaterako, dio plan erraldoien promotoreek bigarren muturrekoa jaso dutela duela gutxi Notre Dame Des Landeseko aireportuaren baztertzearen ostean. Reporterre hedabide elektronikoak epaiaren zenbait pasarte aurreratu ditu: "Jendaurrean erakutsitako dossierrak ez zituen nahikoa zehazten nola aseko ziren proiektuaren energi beharrak. Auzitegiak, era berean, erakutsi du [baimena lortzeko erakutsitako] azterketak ez zituela aski zehazten airearen kalitatearen gain edukiko zituen eraginak, kontutan harturik turisten mugimenduak sortutako CO2 isuriak eta Europacityren eraikuntzari legozkiokeenak. Azkenik, auzitegiak ebatzi du Inpakto Azterketak ez zituela nahikoa baloratu proiektuari lotutako beste lanek proiekturari gehituko lizkioketen eraginak".

Epaileen erabakia izango ote da azken hitza ala orain arte horrelako mega-proiektu batean hainbeste urrats eman dituzten enpresek segituko dute elegiteen bidez eta Gobernuaren ahalmen exekutiboaren bidez asmorekin aurrera? Twitterrek pistaren bat ematen baldin badu, ikus daiteke nola promotoreak ari diren azken orduotan Europacityren aldeko kontra-ofentsiba beroan. Erne jarraitu beharko dute Gonesseko Triangulua bizirik atxiki nahi duten baserritar eta herritarrek.

 

Kanal hauetan artxibatua: Azpiegitura handiak  |  Paris

Azpiegitura handiak kanaletik interesatuko zaizu...
2018-06-20
Larunbateko mobilizaziora dei egin du "AHTrik ez lautada" plataformak

Manifestazioa deitu du ekainaren 23rako, larunbat honetarako, “AHTrik EZ Lautada” plataformak. Plataformaren arabera, proiektuaren lanen ondorioz, herria isolatuta geldituko litzateke autobidea eta trenaren artean. Kalte ekonomikoak eta ingurumenari eragindakoak azpimarratu ditu plataformako kide den Iñigo Lezak, alternatibak badaudela argi utzi eta lanean jarraituko dutela baieztatu du.


Esa urtegia handitzearen obrak gelditzeko eskatu du Nafarroako Parlamentuak

Nafarroako Parlamentuko Bozeramaileen Batzordeak adierazpen instituzionala onartu du Esa urtegia handitzeko obrek sortu duten xahutze ekonomikoaren aurrean: lanak gelditzeko eskatzeaz gain, proiektuaren kontuak auditatzeko gardentasuna ere eskatu du.


2018-06-19 | Usurbilgo Noaua
GuraSOSek Zero Zona Kanala, telebista kate propioa estreinatu du Youtuben

“Batzuk nahi dutena soilik kontatzen dute. Zero Zonan herriak du hitza”. Horiexek GuraSOSek abian duen Hitzartu prozesuaren baitan, ostiral arratsalde honetan bertan martxan jarri berri duten Zero Zona kanalean entzun ahal izan ditugun lehen hitzak. Aurrerantzean, Youtubeko kate honen baitan, astero albistegi bat eskainiko dute.


2018-06-18 | Zero Zabor
Erraustegien Europako patronalak Bilbon egingo du biltzarra irailaren 19-21ean

"Errausketa: Ekonomia Zirkularra egia bilakatuz" [Waste to Energy: Making Circular Economy Happen] goiburua edukiko du Bilbon CEWEP Europako errauste planten patronalak irailaren 19tik eta 21era artean egingo duen biltzarrak. Zabalgarbi erraustegiak antolatu duen ekitaldia Guggenheim museoan irekiko da afari batez, Euskalduna jauregian burutu eta Loiuko Aspaldiko jatetxean beste afari batez amaitzeko.


Tokioko aireportuari 50 urtez aurre egin dioten baserritar egoskor horiek

Japonian 2020ko Olinpiar Jokoak hasterako estreinatuko ote dute Tokioko Narita aireportuaren hirugarren pista? Agintariek proiektuari ekin eta 50 urte geroago, osatu ezinik segitzen dute beren lurrari eta lanbideari uko egin nahi ez dioten baserritarren erresistentzia dela medio. Jasandako presioengatik edo diru beharragatik amore eman badute gehienek, bakan batzuek eusten diete baratzeei bizirik. Hegazkinez inguratuta aitzurrean, erresilientzian maisu.


2018-06-13 | ARGIA
Autobus elektrikoaren aurkezpenean, metroa "aukerarik txarrena" dela salatu dute Donostian

Donostian zirkulazioan jarriko duten dBus-en 28 zenbakiko autobus elektriko berriaren aurkezpenean protesta egin du Satorralaiak. Gipuzkoako Diputatu Nagusi Markel Olano eta hiriko alkate Eneko Goia aurkezpenera batu direnean, "Donostian busean bai, metroa ez dugu nahi!" aldarrikatu dute oihuka hainbat lagunek.


2018-06-13 | Zero Zabor
Atzerapena Zubietan: FCC eta Urbaserren artean Cespak ere muturra sartu nahi du

Zubietako erraustegiaren obrek erritmo onean jarraitzen duten arren, 300 metro urrunago biometanizazio eta eskorien tratamendurako eraiki beharreko azpiegiturak hasi barik egongo dira ondoko hiru hilabeetetan gutxienez: FCC eta bere taldeari GHK-k 20 urterako egindako esleipenari helegitea jarri dio orain arte Zubietako opilaren banaketan esku hartzen ez duen taldeak, barnean Cespa eta Campezo dituenak.


2018-06-12 | Usurbilgo Noaua
Erraustegiaren kolapsoa ekar dezaketen ekimen juridikoak aurkeztu ditu GuraSOSek Europan

Zubietako erraustegia ez da atzera bueltarik gabeko proiektua. “Bere etorkizuna ez dago guztiz erabakia”, nabarmendu du GuraSOSek astelehen goiz honetan Donostiako Koldo Mitxelena Kulturunean egin duen agerraldian. Gipuzkoako Foru Aldundiak 2019ko udazkenerako martxan izatea aurreikusten duen Zubieta gaineko plantaren eta haren finantza ereduaren kolapsoa ekar dezaketen ekimen juridikoak aurkeztu zituen joan den astean GuraSOSek, Europako erakundeetan


2018-06-11 | Usurbilgo Noaua
Usurbilgo Udarregi Ikastolatik, erraustegia begi bistan

Ikastola Egun honetan, nahi izan gabe ere begirada Zubieta gainera zuzentzea ia saihestezina zen. Ondoko argazkietan ikus dezakezue, Ikastolako kideak, 50. urtemugako mosaiko erraldoia osatzera zihoazela, atzean zuten panorama. Begi bistakoak dira jada, urtebete barru amaitua eta martxan izatea aurreikusten duten erraustegiko lanak.


Azkenak
EGILEA
Eguneraketa berriak daude