Eurogunean 4,5 milioi lanpostu gal daitezke datozen urteetan
Nazioarteko Lan Erakundeak (ILO) ohartarazi duenez, hurrengo lau urteetan 4,5 milioi lanpostu gal daitezke eurogunean. Gobernuek euren politikak aldatzen ez badituzte lanpostuak galtzeko eta herritarren haserrea areagotzeko arriskua ikusten dute, eta horrek finantza-sistemaren eta europar instituzioen gaineko konfiantza zartatuko lukeela.
"Krisiari aurre egin eta langile zein enpresen konfiantza irabazteko beharrezkoa da politikak aldatzea. Hala egin ezean zaila izango da eurogunea egonkortasun eta hazkundearen bidean jarri beharko luketen erreformak ezartzea", azaldu du ILOk.
Dioenez, arriskurik handiena gazteek bizi dute. Eurogunean, langabezia-tasa %22koa da gazteen artean, eta nabarmendu du egoera bereziki larria dela Italian, Portugalen, Grezian eta Espainian. Txostenaren arabera, azken bi herrialdeotan langabezia-tasa %50 baino handiagoa da gazteen artean.
Erakundeak gaineratu du iragarritako murrizketa planek eragin negatiboa izango dutela enpleguan: "Maila makroekonomikoko depresio-tentuinguru honetan, erreforma horiek kaleratze gehiago ekarriko dituzte, lanpostu berriak sortu gabe, ez behintzat berreskuratze ekonomikoak abiada hartu arte".
Eurogunea "austeritatearen tranpatik ateratzeko" neurriei dagokienez, erakundeak dio beharrezkoa dela "finantza-sistema konpontzea, inbertsio produktiboa sustatzea, enplegu-programa eraginkorrak aplikatzea, babes soziala mantentzea, elkarrizketa soziala erraztea eta enpleguaren aldeko plan fiskalak abiatzea".
2019an, Greziako Kasos uharteko uretan, ikerlan bat abiatu zuten Ikerketa Helenikoen Fundazio Nazionalak eta Greziako Kultura Ministerioak. Lanaren emaitza berriki jakinarazi dute: guztira, hainbat garaitako hamar ontzi-hondar aurkitu dituzte. Zaharrenak 5.000 urte inguru ditu... [+]
Greziako kostaldean joan den urteko ekainean 720 migratzaile zeramatzala hondoratutako itsasontziaren kasuari buruzko ikerketa publiko egin du Europako Herritarren Defendatzaileak. Azaldu duenez, Frontex erakundeak ez du nahikoa "tresnarik" egoera horietan bere... [+]
Berdinen arteko ezkontza legeztatzen duen lehenengo herrialde kristau ortodoxoa da.
Ez naiz Greziako Lesbosetik itzuli zaharra. Bertan, Mitilene-n, Zaporeak Elkarte euskaldunak 2.700 asilo eskatzaile ingururi egunean otordu bat eskaintzen die: arroza eta potajea, pita ogia eta fruta ale bana. Duintasunaren muga, 150 gramo errazioko. Arazoa da Kara-Tepeko... [+]
Egunean hamahiru ordurainoko lanaldiak eta sei eguneko lan asteak; alegia, 78 ordurainoko lan asteak. Horiexek dira Greziako Gobernuak, azken lan erreformaren barruan, legeztatu dituen gehienezko lan orduak. Aurreko ostiralean onartu zuten Kyriakos Mitsotakis lehen ministroak... [+]