"Euritan" Arantza Santesteban eta Irati Gorostidiren dokumentala, Punto de Vistan

  • Asteartean, martxoaren 6an, 17:00etan Baluarten eskainiko dira Euskal Herriko hainbat egileren lanak: "Euritan" (euskaraz), "Winterreise" eta "Rapa das bestas".

Euskalerria irratia @fm983irratia
2018ko martxoaren 06a
Arantza Santesteban eta Irati Gorostidi zinemagileak (Arg: Zinea)

1985ean Itxaro Bordak idatzitako "Klara eta biok" narrazioa berrikustea proposatzen du "Euritan" filmak. Egilea bere iraganeko hitzen aurrean jarriz, bertan azaleratzen duen euskal nortasunarekiko harreman periferikoaren begirada eguneratzen da.

Egileak Arantza Santesteban eta Irati Gorostidi zinemagile nafarrak dira.

 

ARANTZA SANTESTEBAN

Iruña, 1979. Historian Lizentziatua da (EHU, 2011) eta Zinema Dokumentalean diplomatu zen Bartzelonako CCFB-n. Egun, UNEDen graduondoko batean garatzen du zinemaren inguruko ikerketa lana.

IRATI GOROSTIDI

Eguesibar, 1988. Artista eta zinemagilea, Arte Ederretan Lizentziatua da (EHU, 2011) eta Zine Garaikidearen Ikerketan Master bat dauka (Universitat Pompeu Fabra, 2013).

Pablo La Parra ikerlariaren Europa, futuro anterior proiektuaren eskaerari erantzunez abiatu zuten Arantza Santesteban eta Irati Gorostidi gazteek Euritan film labur dokumentalaren sortze-prozesua. Itxaro Borda idazlea 1985ean kaleratu zuen Klara eta biok narrazioaren aurrean jartzea erabaki zuten, lanaren berrirakurketa bat egiteko, orduan esandakoak egun nola entzuten diren ikusteko. Eta pixkanaka, hainbat emakumeri ahotsa ematea lortu dute, dokumentalaren eta fikzioaren elementuak uztartuz.

Lana 2017ko Kimuak katalogorako hautatua izan da, eta horrek proiektua zabaltzen eta ikusle gehiagorengana heltzen lagunduko diela uste dute autoreek. “Oso zaila da jendeak horrelako lan bat ikustea, guk ez dugulako hori helarazteko baliabiderik”, azaldu du Gorostidik.

Elkarrekin egin dute lan uneoro, erabakiak prozesua luzatu badu ere. “Oso abiapuntu zintzoa, esperimentala, askea du”, gehitu du Santestebanek, eta emaitza “gure artean sortu den elkarrizketaren erantzuna da”, gaineratu du Gorostidik. Ez hori bakarrik: sorreran dokumentalagoa zen arren, bidean fikzioaren hainbat elementu sartzea erabaki zuten, “fikzioa diskurtsoak eraikitzeko beste modu bat delako”.

Informazio hau Euskalerria Irratiak argitaratu du eta CC-by-sa lizentziari esker ekarri dugu ARGIAra.

Kanal honetan artxibatua: Zinema

Zinema kanaletik interesatuko zaizu...
Gasteiz orainaldian

Orainaldian dokumentala. Egileak: Iñaki Landa, Mikel Buruaga eta Gindi Auzmendi. Maiatzaren 30ean Gasteizko Florida zinematan eman zen lehenengoz.


Ariyo, Antxon

Honen eta antzeko herri abestien indar dramatikoa lehenengoz Manuel Lekuonak aztertu zuen:  

Itsasoa laino dago
Baionako barraraino.
Nik zu zaitut maiteago
arraitxoak beren
umeak baino.


Aurrenik girotzeko irudi bisuala eta zapla mamia. Etena deitzen den teknika. Apaiz hau 1936ko Gerran Lasarteko Brigiden komentuan babestu zen, nazionalek akabatuko zuten beldurrez. Ondoan jaio zen Antxon Mercero urte horretantxe eta, sei hilabeteko haurra zelarik, aita akabatu zioten gerra... [+]


Disney azaleratu zuen greba

Hollywood, 1923. Walter Elias Disneyk The Walt Disney Company sortu zuen. Sortzaileak etengabe gogorarazten zuenez, Hollywoodera eskuan kamera zahar bat zuela eta poltsikoan 40 dolar zituela iritsi zen.


2018-05-18 | ARGIA
Gastibeltza filmak
Lapurditik ari Euskal Herri osoari so

Gastibeltza filmak egitasmoa sortu berria da. Euskal zinema sortu eta produzitu asmoz abiatua. Senperen kokatua dago eta sortzaileek Euskal Herri osoko euskaldun guztiengana heldu nahi dute.


Atxagaren 'Soinujolearen semea' filma errodatzen hasi dira Fernando Bernuesen zuzendaritzapean

Aste honetan hasi dira Soinujolearen semea nobelaren zinemarako egokitzapena filmatzen, EITBk aurreratu duenez. Eneko Sagardoy, Aitor Beltran, Iñaki Rikarte, Joseba Apaolaza, Mireia Gabilondo, Frida Palsson eta Miren Arrieta aktoreek hartuko dute parte, Fernando Bernuesen zuzendaritzapean.


2018-05-13 | Gaizka Izagirre
Gurean
Dokumentalen indarra, animalien egoera salatzeko

Asko dira azken urteetan munduko animalien egoera latza salatu nahi izan duten dokumentalak: Earthlings, Cowspiracy, The Cove, BlackFish, Meet Your Meat, The Elephant in the Living Room... Denak ere intentzio batekin sortuak: ikus-entzunezkoen bidez ikusleari erakustea, jateko, janzteko dibertitzeko edo esperimentatzeko esplotatuak izaten diren bizidunen bizitza tamalgarri eta penagarria. Lan horiek guztiek nazioarteko animalia askoren egoera salatzen dute; baina gurean ere bada lan bat... [+]


Ez du gehiago atertuko

Giza Eskubideen XVI. Zinemaldia. Filmak: Human Flow (Ai Weiwei) eta El baile de los años (Ados Teatroa). Apirilaren 20an Donostian, Victoria Eugenia antzokian.


Gizonen pelikulak bakarrik Euskadiko Filmategiaren urteurrenean: zinema-munduko emakumeek emanaldi alternatiboa prestatu dute

Euskadiko Filmategiak 40 urte beteko ditu aurten; Kimuak katalogoak berriz, 20. Eta bi efemeride horiekin lotuta antolatu dituzten emanaldietan, ez dute emakumeek zuzendutako lan bat bera ere programatu. Horren aurrean, zinema-munduko hainbat emakumek emanaldi alternatiboa prestatu dute apirilaren 26an.


2018-04-22 | Lur Olaizola
Artxiboetatik abiatutako filmak 2018ko Berlinalen
Historia berrikusten

“Zinemak gezurrak esan ditzake, kirolak ez”. Hauxe da Julien Faraut zuzendari frantsesaren L’empire de la perfection (2018) pelikularen ardatza. Ideia Godarden elkarrizketa batetik dator: “Giza gorputzak gezurrik esan gabe jarraitzen duelako ikusten dut oraindik kirola. Politikak, zinemak eta literaturak gezurrak esan ditzakete, kirolak ordea, ez”. L’Équipe kirol aldizkarian aurkitutako hitz hauek bihurtu zituen bere pelikularen oinarri Farautek. Kasu... [+]


2018-04-22 | Saioa Baleztena
Leticia Dolera. Sororitatea aldarri
"Feminismoa ez dago gizonezkoen kontra, baizik eta patriarkatuaren kontra"

Bere burua “aktore, zuzendari, feminista eta zonbi-hiltzaile” definitzen du Leticia Dolerak (Bartzelona, 1981). Antzezle gisa ibilbide luzea egin ondotik, 2015ean zuzendu zuen bere lehendabiziko filma eta otsailaren hondarrean publikatu zuen Morder la manzana (Sagarra hozkatu), liburua.


Azkenak
EGILEA
Eguneraketa berriak daude