Sare eta Bagoazek urtarrilaren 9rako atondu dituzten manifestazioetara joateko deia egin du Etxeratek. Presoen senide eta lagunen elkartetik adierazi dutenez, dispertsioaren baitan “itzulinguruak” emateari utzi nahi diote: “Ez dugu itzulinguruak ematen jarraitu nahi arriskuan jarriko gaituzten errepide bihurrietan zehar. Ez da itzuliak emateko unea, harriak mugitzekoa baizik”.
Mugi daitezen harriak! da Baionan eta Bilbon egingo diren manifestazioen leloa. Etxeraten arabera, harriek Espainiako eta Frantziako estatuen “immobilismoa” irudikatzen dute, “gure senitartekoak ikusten uzten ez digun immobilismoa”. Horren aurrean, elkarteak azaldu du ordua heldu dela presoekiko babesa berretsi eta beren egoera agenda politikora eramateko. "Beharrezkoa da gizartearen agendan 26 urte luzez daraman auzi honek agenda politikoetara jauzi egitea".
Aldarrikatu dutenez, mobilizazioak ez dira soilik espetxean dauden 407 presoengatik egingo; iheslari, senide eta lagunen eskubideak ere aintzat hartuko dira. “Gure eskubideen alde ere aterako gara kalera. Haiei zein senideei ukatzen dizkieten eskubideak ere gureak direlako. Hor datza gure aldarrikapenaren garrantzia”.
Azken urteetako joerari jarraiki, mobilizazioen asteburuan presoen senideek bisitarik ez dute egingo, manifestazioetan parte hartzeko. “Urtarrilaren 9an presoak etxean eta bizirik nahi ditugula oihukatuko dugu”.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.