Etxegabetzea salatzeko Kutxabanken aurrean kanpatu dute Errenterian

  • Kutxabanken etxegabetze bat salatzeko, sukurtsal aurrean kanpatu dute hainbat lagunek Errenterian. Emakume bat eta 10 urteko bere alaba datozen asteetan etxetik botatzea saihesteko, hainbat ekintza iragarri ditu Oarsoaldeko Stop Deshaucios plataformak. Errenteriako Udalak etxegabetzearen aurkako mozioa onartuko du hurrengo udalbatzan.


2014ko irailaren 26an - 00:00
Azken eguneraketa: 2015-02-26 13:37:33
Gaua Kutxabanken sukurtsal aurrean kanpatuta igaro dute, Errenteriako ama-alaben etxegabetzea salatzeko. (Arg.:@EnekoAnder)

Gaua sukurtsalaren ateetan kanpatuta igaro ostean, elkarretaratzea egin dute herriko hainbat kaletako zirkulazioa geldituta. Kanpaldiaz gain, “presio egiteko” beste ekintza batzuk egingo dituztela jakinarazi eta mobilizazioetan zein etxegabetzearen egunean parte hartzeko dei egin diete herritarrei Oarsoaldeako Stop Deshaucios-eko kideek.

Ama-alabek ez dakite noiz jasoko duten etxea uzteko agindua, baina urriko lehen hamabostaldian izatea espero dute. Haurraren aitarena da hipoteka ordaintzeko ardura baina emakumeak azaldu duenez, “bat-batean” utzi dio ordaintzeari. Kutxabankek pisua enkantera atera zuenean ere, “kasualitatez” jakin zuela gaineratu du.

“Bankuari eskatzen diodan bakarra, edonork bezala alokairua ordaintzea eta alabarekin etxean jarraitu ahal izatea da”, adierazi du emakumeak.

Gipuzkoako Stop Desahucios plataformako kide Xabi Sotok "tamalgarritzat" jo du zor hipotekarioengatik familiak etxegabetzea. Giza eskubideak urratzen ari direla salatu du, jendea etxetik bota eta gero, "etxe horiek hutsik geratu eta espekulaziorako erabiltzen direlako".


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
#5
Azoka
Kanal honetatik interesatuko zaizu: Etxegabetzeak
Etxegabetzeak 48 ordutan burutu ahal izateko lege aldaketa proposatu du EAJk

EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.


Iruñean familia bat etxegabetuko dutela salatu dute Harituk eta Jaki Tokik

Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.


2024-02-13 | ARGIA
Hamabi familia etxetik bota nahi dituzte Pasaian, trenbide zati bat egiteko

Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.


Bilboko etxegabetzearen aurka protestan ari direnen kontra oldartu da Ertzaintza

Ostiral goizerako zegoen ezarrita etxegabetzea eta horren kontrako protestara dei egin du Bilboko Etxebizitza Sindikatuak. Protestan ari direnen aurka oldartu da birritan Ertzaintza, eta dagoeneko pertsona bat atxilotu du, Gedar-ek jaso duenez. Etxegabetzea burutu dute.


Eguneraketa berriak daude