Etxebizitzen salerosketak beherantz Hego Euskal Herrian, Nafarroan salbu
Nafarroan %21,3 egin du gora etxebizitzen salerosketak 2013ko uztailean lehengo urteko uztailarekin konparatuz. EAEn baina, %22,6ko beherakada izan du. INEk (Espainiako Estatuko Estatistika Institutua) astelehenean argitaratu ditu datuak.
Bizkaian, Gipuzkoan eta Araban beherakada nabaria izan duen bitartean, etxebizitzen salerosketak Nafarroan gora egin du. (Argazkia eitb.com) eitb.com
Txostenak adierazten duenez, gehien erosi diren etxeak dagoeneko erabilitakoak izan dira. Etxe berriek beherakada handiagoa jasan dute, bai etxebizitza libreak eta bai babes ofizialeko etxebizitzak.
Bizkaian %15,7ko jaitsiera izan da, Gipuzkoan %20,72koa eta Araban berriz, %36koa. Nafarroa izan da, beraz, Hego Euskal Herrian gorakada jasan duen erkidego bakarra.