Baionako Plantoun auzoko okupazioaren ildotik kolektibo berria sortuko da, Ipar Euskal Herriko etxebizitzaren arazoari aurre egitea xede duena. Gaur, abenduak 23, bilkura irekia eginen da kolektiboan parte hartu nahi duen ororentzat 19:00etan Polo Beyriseko MVCan.
Iragan abenduaren 3an etxebizitza eskuratzeko arazoez solastu eta hausnartzeko hainbat alorretako jende eta elkarteak bildu ziren. Irtenbideak lehenbailehen aurkitu asmoz kolektibo bat osatzea adostu eta lau lan ildo zehaztu zituzten.
Alde batetik, etxebizitzaren egoera orokorraren diagnostiko zehatza egiteko, bizitoki duina lortzeko zailtasunak definituko dituzte. Oro har, lekukotasunetan oinarrituko direla azaldu dute kolektiboko sortzaileek, “prekaritatea, bizitzeko baldintza txarrak, prezio altuegiak edota kanporaketa mehatxuak salatzeko”.
Bestalde, "etxe okupazioei buruzko azalpena eman eta sentsibilizazio lana” eginen dute. “Etxebizitza eskasiaren urgentziazko irtenbide gisa” kolektiboak hautatzen duen jarrera edo “bizi filosofia” jendarteak ulertu eta babes dezan.
Hirugarren lan ildoa, Okzitaniako Tolosa edota Hego Euskal Herriko esperientzietara hurbiltzea izanen da, beste eragile sozialek abiatu dituzten iniziatibak ezagutzeko. Horren helburua, "zailtasunean diren familiei etxeak aurkitzeko" nola egiten duten ikustea da, gero haien esparrura ekarri ahal izateko.
Azken puntua, "Plantouneko etxe okupatutik egin den proposamena aurrekaritzat hartuz" beste hainbat kanpaina eta ekintza prestatzea izanen da. Horretarako, Ipar Euskal Herrian "beharrean diren herritarrei aterpe emateko etxe hutsak begiztatu" nahi dituztela jakinarazi dute.
Etxebizitza duina izatea gero eta zailagoa da. Berdin du esaldi hori noiz irakurtzen duzun, urteak pasa eta arazoa gero eta larriagoa da.
Nola izan daiteke bizitzeko oinarrizkoa den eskubidea, teorian hainbat legek babestutakoa, EAEn eskubide subjektibo moduan onartu berri... [+]
Iruñerriko Etxebizitza Sindikatu Sozialistak eta Harituk Iruñeko Udalak etxegabeentzat eskaintzen dituen baliabideak kritikatu dituzte: "Ogi apurrak dira", adierazi du Martin Zamarbide Harituko kideak. Behin behineko zenbait "aukera" ematen... [+]
Bizitegi molde kooperatiboak zabalduz doaz Ipar Euskal Herrian. Euskal Hirigune Elkargoko azken biltzar nagusian Nicole Etxamendi, Itsasuko hautetsiak "Bizi lagun" kooperatibak kontutan hartu behar zirela eta alternatiba ona direla azpimarratu zuen.
Lanbideren Etxebizitzarako Prestazio Osagarria eta gizarte-zerbitzuen Larrieldietarako Laguntzak desagerrarazi ditu Etxebizitzaren Lege berria garatu duen Dekretuak.
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]