Madrilen hemezortzi gazte atxilotu dituzte etxegabetzeen kontrako ekintza bat egiteagatik Moratalaz barrutiko udal biltzarrean. Otsailaren 17an batzarra eten zuten etxe kaleratzeen aurkako oihuekin eta “etxerik gabeko jenderik ez, jenderik gabeko etxerik ez” zioen pankarta zabaldu zuten.
“Espainiako Estatuaren erakundeen aurkako delituak” egozten dizkiete Erlantz Ibarrondo akusatuen abokatuak azaldu duenez. Espainiako ikasle grebaren harira antolatutako manifestazioan izandako gertakariengatik ere atxilotuak ikertzen ari da polizia. Madrilgo “Distrito 14” eta “Frente 202” taldeetako kideak dira atxilotuak.
Gazteak berehala kanporatu zituzten aretotik ondorengo bideoan ikusi daitekeenez:
Espainiako Gobernuaren ordezkari Cristina Cifuentesek adierazi duenez “plenoan sartu eta sekula iskanbila sortu zuten. Erasoak izan ziren”. Diagonalek jaso duenaren arabera zigor kodearen 505. artikuluaren arabera sei hilabetetik urtebeterainoko espetxe zigorra jarri diezaiekete atxilotuei.
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.
Ostiral goizerako zegoen ezarrita etxegabetzea eta horren kontrako protestara dei egin du Bilboko Etxebizitza Sindikatuak. Protestan ari direnen aurka oldartu da birritan Ertzaintza, eta dagoeneko pertsona bat atxilotu du, Gedar-ek jaso duenez. Etxegabetzea burutu dute.