ETAren desarmeaz, EAJ eta PSE ika-mika

  • Hego Euskal Herriko alderdiak ez datoz bat bake prozesuari dagokionean. Hala erakusten dute azken egunotako adierazpenek. Andoni Ortuzarrek (EAJ) igandean adierazi zuenez, ETAk  armak euskal instituzioei ematea nahi luke, “Gipuzkoako Diputazioari bada ere”. Idoia Mendia PSEko bozeramaileak aldiz, desarmatzea “Espainiako Gobernuaren aurrean” egin behar dela dio.


2013ko abuztuaren 19an - 00:00
Azken eguneraketa: 2015-02-26 13:37:33
Andoni Ortuzar EAJko presidentea (Argazkia: diariodenavarra.com)

Ortuzarren hitzetan, ETAk “ahal bezain pronto” eman behar ditu armak. “Pausoak ematen jarraitu behar dute, ezin dute Rajoyren inmobilismoa aitzakiatzat hartu. Euskadik bakea behar du, biktimen mina aitortzea eta baita beste espetxe-politika bat ere, eta bidea ibiliaz egiten da”. Ezker abertzalearen jarrera ere kritikatu du Ortuzarrek: “Aurrerapauso garrantzitsuak iragartzen dituzte, baina handik gutxira, kontrakoa adierazten dute”.

Idoia Mendiak dioenez, ETA desegitea da garrantzitsuena, “ez baita inongo negoziaketarik izango”. “ETAk ezin du bake prozesuko protagonista izan. Bestela, alderdiak eta estatua nahieran erabiltzen ari dela dirudi, eta hori onartezina da”.

EAEn Espainiako Gobernuaren ordezkari den Carlos Urquijo ostera, “eszeptikoa” da ETAren jarrerari dagokionez. Haren hitzetan, estatuak adi jarraituko du eta “ez dio terroristak atxilotzeari eta zuloak bilatzeari utziko”. 

Urquijoren jarrera izan du hizpide Joseba Permach Sortuko kideak Zarautzen egindako ekitaldian. Dioenez, azken ekimenekin “Espainiako Gobernuak indarra erakutsi nahi du, baina bere egoera politikoa zeharo ahula da”.


Kanal honetatik interesatuko zaizu: Euskal bake prozesua
Atristain eta Inziarteren kartzelatzeekin hirugarren gradua fiskalaren esku dago, espetxearen esku egon beharrean

Xabier Atristain eta Juan Manuel Inziarte euskal presoak Martuteneko espetxera itzuli ziren joan den martxoaren 13an, Auzitegi Nazionaleko Espetxe Zaintzak haien hirugarren graduei fiskaltzak jarritako helegitea onartu ondoren.


Blokeo egunaren harira, gibelapenezko 800 euroko isuna jaso dute bederatzi bakegileek

Otsailaren 2an epaituko dituzte beste hamaika bakegile, uztailaren 23an autopista blokeatzeagatik. Elkarretaratzera deitu du Bake Bideak, datorren ostegunean 13:00tan jarriz hitzordua Baionako auzitegi aitzinean.


2022-11-15 | ARGIA
Urtarrilaren 7an Bilboko kaleak betetzera deitu dute, euskal presoen eskubideak aldarrikatzeko

Etxera bidea gertu lelopean manifestazio bateratua egingo dute Sarek eta Bake Bidea-Bakegileek, pandemiagatik bi urtez mobilizazio jendetsu hori egin gabe egon ostean. “Duintasuna eta bizikidetza lortzeko itxaropena” ere izango dituzte aldarri, euskal presoen... [+]


2022-06-23 | ARGIA
Uztailaren 23an Ipar Euskal Herria blokeatuko dute Parot eta Esnal aska ditzaten

Hori adierazi dute Bake Bideaneko ordezkariek ostegun honetan Luhuson egindako agerraldian. Azkenekoz, ekainaren 9an eta 15ean aztertu zuen Frantziako justiziak Ion Parot eta Jakes Esanen askatasuna, eta epaileek haien baldintzapeko askatasunaren alde egin zuten, baina... [+]


Anaiz Funosas, Bake Bidea
"Onartu daitezkeen baldintzapeko askatasun horien aitzinean harresi bezala jokatzea deliberatu dute"

Jakes Esnal baldintzapean aske uzteari buruzko erabakia uztailaren 21era atzeratu dela jakin aitzin izan da ARGIA Anaiz Funosas Bake Bidearen bozeramailearekin –Ion Paroten kasuan, datorren astean jakinen da erabakia–. Badu 32 urte kartzelan direla. Pairaturiko... [+]


Eguneraketa berriak daude