ETAk "doluminak" helarazi dizkio erakundearen azken biktimaren sendiari

  • ETAren azken biktima izan zen Jean-Serge Nerin jendarmearen heriotza “zinez sentitzen” duela adierazi dute Parisen epaitzen ari diren erakunde armatuko lau kidek agiri baten bidez.

ARGIA @argia
2017ko abenduaren 13a
Parisen Bakearen Artisauek deituta abenduaren 9an egindako manifestazioa.

Xabier Goienetxea, Izaskun Lesaka, Arkaitz Agirregabiria eta Josu Urbietaren aurkako epaiketa azaroaren 20an hasi zen Parisen eta abenduaren 13an akusatuek auziari buruzko azken hitza esateko duten aukera baliatu dute adierazpena egiteko. Esan dutenez, Nerin hil zen tiroketa ez zuen ETAk bilatutako zerbait izan.

Su-etena hasi berritan

2010eko otsailean ETAk ekintza armatu gehiago ez egitea erabaki ondoren gertatu zen: Parisko epaituen agirian irakurtzen denez, “babes logistiko bila” ari ziren erakunde armatuko kideek “auto kopuru handi bat eskuratzeko operazioa” egin zuten. Operazio horren testuinguruan, tiroketa bat hasi zen talde armatuko kideen eta Frantziako Poliziaren artean eta Nerinek hiru tiro jaso zituen ETAko kideen aldetik. Beste polizia bat ere zauritu zen tiroketan.

“Kaltea eragin zuen horrek. Kalte politikoa, erasoko ekintzak bertan behera utzi eta berehala horrelako gertakari bat jazo izanak hasitako bake ahaleginari sinesgarritasuna kendu ahal ziolako”, irakur daiteke epaiketako saioaren ostean publiko egin den agirian. “Zoritxarreko gertaera hark, gainera, kalte humano handia eragin zuen. Jean-Serge Nerin brigadier burua bertan hil zen ETAko kideek jaurtitako tiroaren ondorioz. Heriotza hura zinez sentitzen dugula jakinarazi nahi dugu publikoki, eta gure doluminak azaldu nahi dizkiegu bere sendiari”, dio komunikatuak.

“ETAk bere ekintzekin eragindakoa onartzen du. Are gehiago egin beahr dugu denok baketa eta askatasuna ekarriko dituen etorkizun berri bat erdiesteko”, jarraitzen du dokumentuak. “Euskal herritarrek gure hitza dute egitasmo horretan gure konpromiso osoa izango dutela”.

Epaiketa amaituta

Azken adierazpen horrekin amaitutzat eman da epaiketa eta asteazken arratsaldean espero da lau akusatuentzat sententzia. Maryvonne Caillibotte fiskalak eskatu du 2015ean auzipetuei ezarritako zigorra mantendu dadila: 25 urteko kartzela zigorra Agirregabiriarentzat, 16koa Urbietarentzat eta 14koak Goienetxea eta Lesakarentzat.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


ETAren biktimak kanaletik interesatuko zaizu...
2018-07-01 | Saioa Baleztena
Rosa LLuch: "Belaunaldi bat edo bi beharko dira zubiak berreraikitzeko"

Katalunian ETAk egin zituen atentatuen artean bi izan ziren bereziki mingarriak: 1987ko Hipercorrekoa eta, hamahiru urte beranduago, Bartzelonan hil zuten Ernest Lluch Espainiako Osasun ministro ohi sozialistarena. ETAren amaierako erronkak hizpide, Bakea eraikitzen jardunaldiak antolatu zituzten Kataluniako hiriburuan Foro Sozialak, Bartzelonako Udalak eta Fundipauk. Biharamunean elkarrizketatu genuen haietan aritutako Rosa Lluch historialaria, Ernest Lluchen alaba.


Dena bukatu omen denean, bukatu gabe geratzen dena

Arnagako adierazpenak ETAren desagerpenari eszenifikazioa emateaz gain, konpondu gabeko auziak ekarri ditu gogora nazioarteko figura esanguratsuen eskutik. Izango ote du eraginik Espainiako eta Frantziako Gobernuen espetxe politiketan?


2018-01-16 | Andoni Mikelarena
AVT Frantziako Justizia Ministerioarekin bilduko da euskal presoak ez gerturatzeko eskatzeko

Datozen asteetan hasiko dira Frantzia euskal presoak gerturatzen. Horren inguruko xehetasunak emateko, urtarrilaren 24an bilera egingo du Frantziako Justizia ministerioak Marimar Blanco AVTko lehendakariarekin.


2017-06-19 | Xalba Ramirez
Hipercorren atentatua gogoratzeko ekitaldian izango da Urkullu

Gaur 30 urte beteko dira ETAk Hipercorren atentatua egin zuela. 21 hildako eta 45 zaurituak oroitzeko ekitaldian egingo dute eta Iñigo Urkullu bertan izango da, Carles Puigdemontekin batera.


2017-01-19 | ARGIA
Urtebeterako kartzela Def Con Dos-eko abeslariarentzat, sei txiotan "biktimak iraintzeagatik"

Auzitegi Gorenak Cesar Strawberry zigortu du, Twitterren "gorrotoaren diskurtsoa elikatu eta terrorismoa legitimatzeagatik". Fiskalak Audientzia Nazionalaren absoluzio epaiari helegitea jarri ondoren etorri da epaia.


2017-01-11 | ARGIA
Rosa Rodero, ETAren biktima
"EAJ da nire alderdia eta presoen manifestaziora joatea gustatuko zitzaidakeen"

El Diario Vasco egunkariari emandako elkarrizketan, Rosa Roderok berretsi du Sarek antolatutako manifestaziora joango dela, eta gustatuko zitzaiokeela EAJ ere joatea.


Yoyes
Mitoak estalitako jardun intelektuala

30 urte pasa dira 1986ko irailaren 10ean ETAk Dolores Gonzalez Katarain, Yoyes hil zuenetik eta geroztik asko idatzi da haren ibilbide politikoaz eta pertsonalaz; gutxiago akaso, eta zoritxarrez, haren jakin-min intelektualez. Idatzita utzi zituen egunerokoetan oinarrituta, bere irakurketetara hurbilduko gara.


2016-08-25 | ARGIA
Mekauen konpartsaren kontrako salaketa jarriko du COVITEk, kale bati Pakito Arriaran izena jartzeagatik

Bilboko festetan, Mekauen Egunean, hainbat kaletako plakak estali zituzten borroka internazionalistan jardun izan diren pertsonen izenekin, tartean ETAko kide izandako Arriaranena.


1990 eta 2011 artean ETAren mehatxupean izandakoei buruzko txostena aurkeztu du Eusko Jaurlaritzak

Deustuko Unibertsitateko Pedro Arrupe Giza Eskubideen Institutuak egin du ETAk mehatxatutako pertsonek jasan duten bidegabekeriari buruzko txostena. José Ramón Intxaurberen, Eduardo J. Ruizen eta Gorka Urrutiren gidaritzapean egin dute, Eusko Jaurlaritzako Bake eta Bizikidetza Idazkaritzaren enkarguz.


2016-02-22 | Arabako Alea
Gasteizko udal talde guztiak izan dira Buesa eta Diazen omenaldian

Gasteizko Udaleko talde politiko guztien ordezkariek hartu dute parte gaur eguerdian Fernando Buesa eta Jorge Diazen omenez antolatutako ekitaldian.


Azkenak
EGILEA
Eguneraketa berriak daude