Europara joko dute Espainiako erregearen argazkia erretzeagatik kondenatuek

  • Espainiako Auzitegi Konstituzionalak atzera bota du erregearen argazkia erretzeagatik kondenatutako bi katalan independentisten errekurtsoa. Zigortuek adierazi dute Europara joko dutela, Estrasburgoko Giza Eskubideen Auzitegira. 


2015eko abuztuaren 04an - 10:11
2007ko irailean erre zituzten lehen aldiz erregearen argazkiak Gironan, eta gerora Katalunian nahiz beste toki askotan errepikatu dute ekintza (argazkia: danireixach.bloc.cat)

Espainiako Auzitegi Konstituzionalak atzera bota du erregearen argazkia erretzeagatik kondenatutako bi katalan independentisten errekurtsoa. Zigortuek adierazi dute Europara joko dutela, Estrasburgoko Giza Eskubideen Auzitegira. 

2007ko irailean erre zituzten lehen aldiz erregearen argazkiak Gironan, hirira monarkek egindako bisitagatik antolatutako protestan. Gerora, behin baino gehiagotan errepikatu dute ekimena Katalunian nahiz Espainiako Estatuko beste hainbat tokitan ere.

Ekintzagatik zigortu zituzten Gironako Jaume Roura eta Enric Stern kideak, eta aurkeztutako errekurtsoa baztertuz, Espainiako auzitegiak baloratu du epaiak ez duela adierazpen askatasuna urratzen. Ekintza “gorroto delituen” artean kokatu du.

Egoera salatzeko emandako prentsaurrekoan, Benet Salellas epaituen abokatuak zigor eskaera “zentzugabekeria” handitzat jo du, eta jakinarazi du kasua Estrasburgora eramanen dutela: “Beste behin ere Europak arrazoia emanen digu”.

Auzitegi Konstituzionalaren “logika españolista eta kontserbadorea” salatu du Salellasek, eta adierazi du “bitxia” dela sententzian independentisten aldeko bi boto partikular egotea, eta boto horiek Kataluniako eta Euskal Herriko magistratuenak izatea.

 


Kanal honetatik interesatuko zaizu: Espainiako monarkia ezbaian
Carlos Fonseca kazetaria
“O-23ko estatu kolpean, erregeak jeneral bati baimena eman zion kontzentrazio gobernua osatzeko”

Espainiako armadak antolatu zuen 1981eko otsailaren 23ko estatu kolpea, baina helburua omen zen Alfonso Armada jeneralak gidatuko zuen zibilez osatutako kontzentrazio gobernu bat eratzea, eta Juan Carlos I.ak baimendu egin zuen gobernu hori. Hori dio Carlos Fonseca kazetariak... [+]


Hego Euskal Herriko biztanleen gehiengo zabalak nahiago du errepublika monarkia baino

Elektomaniak egin du galdeketa. Gipuzkoa da estatu guztian lehenengo postuan geratu dena, Bizkaia bigarrena eta Nafarroa eta Araba, berriz, laugarren eta bosgarren.


2022-05-24 | ARGIA
Monarkiaren kontrako adierazpenak despenalizatzeko eskatu dute EH Bilduk eta ERCk

Espainiako monarkia iraintzeagatik se hilabete eta bi urte arteko espetxe zigorra aurreikusten du zigor kodeak. Lege hori bertan behera uzteko eskatu dute EH Bilduk eta ERCk.


Galiza non ten rei

Itzuli da Juan Carlos eta Galizia aukeratu behar izan du erakusteko berak jarraituko duela egiten borboiaren puntan jartzen zaiona. Diotenez, diskrezioa eskatua zion Espainiako Errege Etxeak, ez zaiolako show handirik komeni, monarkia krisi existentzial bat bizitzen ari baita... [+]


Eskandaluak eta balizko maniobrak

Goiko esferetan mugitzen diren gizaseme zoriontsu guztiak antzekoak dira, eta egin behar ez luketen zerbait egiten atzematen dituzten guztiak berriz, bakoitza bere modukoa. Boris Johnson eta Iñaki Urdangarin, BoJo eta Besoluze –horrela deitzen omen dio Juan Karlos... [+]


Eguneraketa berriak daude