Estatu krimenak salatzeagatik bost persona hil dituzte Mexikon
Mexikoko Hiritik gertu bost pertsona hilik aurkitu dituzte. Tartean Ruben Espinosa kazetari eta argazkilaria, eta Nadia Vera antropologoa. Uztailaren 31an aurkitu zituzten Colonia Narvarten – Mexiko Hiritik gertu – eta denek tortura zantzuak zituzten.
Espinosa Mexikoko Verakruz estatuan mehatxatuta sentitzen zela eta Mexiko hirira alde egitea erabaki zuen. Berriki Sin Embargo komunikabideari emandako elkarrizketa batean Javier Duarte de Ochoa, Verakruzeko gobernariari leporatu zion herrialdea “kanposantu” bihurtu izana.
Nadia Verak 2014ko azaroan Rompeviento TV komunikabideari emandako elkarrizketan azken hilabeteetan Verakruzeko Estatuan ohiko bilakatu diren desagerpenak eta segurtasun eza salatu zituen. Verak esan zuen berari zerbait gertatuz gero erantzunkizuna Verakruzeko estatuko gobernari Javier Duarterena izango zela. Adierazpenak egin eta 9 hilabete eta gero hilda azaldu da tortura eta bortxaketa zentzuekin:
Vera #yosoy123 ikasle mugimendu mexikarraren parte zen. Mugimenduak idatzitako agirian Espinosa, Vera eta beste hiru kideren hilketak salatu dituzte: “Zensura, inpunitate eta ixiltasunaren aurrean, gure lagunek egin bezala ahotsa altxatu eta justizia eskatuko dugu”.
Duarteren eskaera kazetariei tentuz ibiltzeko
Verakruzeko gobernari Duartek 2015ko ekainean kazetariei leporatu zien delinkuentziarekin loturak izatea. Errepresioa jasan zezaketela ere jakinarazi zien berriemaileei, eta horregatik “ondo portatzeko” eskatu zien.
Protestak
Hilketek Mexikoko gizartea hunkitu dute. Igandean herrialdeko hainbat hiritan giza eskubideen aldeko ekintzaileek eta kazetarien komunitateak protestak antolatu dituzte. Hilketak argitzea eskatu zuten, eta adierazpen askatasunaren aldeko aldarriak oihukatu zituzten.
Articulo 19 komunikabideko zuzendari Dario Ramirezek esan du, ez dela kasualitatea Verakruzeko gobernariak kazetariei arriskuen berri eman eta hilabete ondoren Espinosa eta beste lau emakume hilda aurkitu izana.
Estatu batek bere lurraldean dagoe enbaxada baten aurka horrelakorik egiten duen lehenengo aldia da. Mexikok enbaxada itxi eta iragarri du Ekuador salatuko dutela Nazioarteko Justizia Auzitegian nazioarteko eskubideak urratu izanagatik.
Aguascalienteseko Fiskaltzak adierazi du Baena bere bikotekideak hil, eta ondoren bere buruaz beste egin zuela. Baenaren senideak ez datoz bat hipotesi horrekin, eta familiaren abokatuak adierazi du ikerketa aldatuko duten frogak aurkeztuko dituela. LGBTIQ+ komunitatea ere kexu... [+]
2022ko irailaren 19an Mexiko Hiria astindu zuen lurrikarak ez zuen soilik hondamena ekarri. Tenochtitlan zaharrean lurperatuta zegoen suge buru kolosal bat ere agerian utzi zuen.
1.500 kilometro baino gehiago izango ditu trenbideak, zeinak Mexikoko hego-ekialdeko bost estatu bilduko dituen: Campeche, Chiapas, Quintana Roo, Tabasco eta Yucatan. Maya trenaren kudeaketa Armadaren esku utzi zuen pasa den hilean Andres Manuel Lopez Obrador presidenteak.