Espetxe politikaz eztabaida publikoa egingo dute EAEko alderdi nagusiek Bilbon, PPk izan ezik
Ostegunean, PSE, EAJ, Elkarrekin-Podemos eta EH Bildu alderdiek espetxe-politikari buruz eztabaidatuko dute lehen aldiz era integral batean Bizkaiko Abokatuen Elkargoan. Eusko Legebiltzarrean ordezkaritza duten alderdi guztiak egongo dira bertan, PP izan ezik.
Foro Sozial Iraunkorra lanean ari da alderdi politikoekin eta sindikatuekin presoen gizarteratzeari begira, elkarrizketa aldeaniztunen bidez. Gaur egun, konfiantza eraikitzeko fasean daude murgilduta. Joan den abenduaren 4an, Bilbon dagoen Bizkaiko Abokatuen Elkargoan egindako prentsaurrekoan honakoa adierazi zuten, elkarrizketa multilateral hauei buruz: "Datozen asteotan emaitzak ikustea espero dugu. Eztabaiden edota akordioen forma hartuko duten emaitzei buruz ari gara".
Lehen akordioa gaixo dauden presoen inguruan eta kartzela politikaren eskumenaren inguruan lortu zuten Eusko Legebiltzarrean. Baina beste pauso bat emateko beharra ikusita, indar politikoen arteko eztabaida publiko bat egitea proposatu zuten.
Ildo horretan kokatzen da ostegunean 17:00etatik aurrera Foro Sozial Iraunkorrak antolatu duen mahai ingurua, "Garai berrietan espetxe politika berria" lemapean. Eusko Legebiltzarrean ordezkaritza duten alderdi guztiak izan dira gonbidatuak.
Parte hartuko dutela konfirmatu dute Amaia Arregik (EAJ-PNV), Julen Arzuagak (EH Bildu), Rafaela Romerok (PSE) eta Andeka Larreak (Elkarrekin-Podemos). Legebiltzarkideak izateaz gain, denak dira beraien alderdi politikoen exekutibetako kide. PPk parte ez hartzea erabaki du.
Moderatzaile lanetan Teresa Toda arituko da, kazetaria eta Foro Sozial Iraunkorreko kidea. Antolatzaileek azpimarratu dute espetxe politikaren inguruan era integralean eztabaidatuko dutela euskal alderdiek lehen aldiz publikoki.
Albiste hau Bilboko Uriolak argitaratu du eta CC-by-sa lizentziari esker ekarri dugu ARGIAra.
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]
Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]
Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.