Esperientziak trukatzeko bilduko dira Arabako gazte euskaltzaleak

  • Arabarrak eta aldi berean euskararen alde egiten duten gazteak badirela aldarrikatzeko asmoz, Arabako gazte euskaltzaleen topaketa izango da datorren urtarrilaren 28an Oihaneder Euskararen Etxean.

Arabako Alea @ArabakoALEA
2017ko urtarrilaren 13a
Arabako txoko guztietako gazteak bilduko dituen topaketa Gasteizko Gaztetxean bukatuko da. Kontzertuak izango dira. Argazkia: Arabako Alea.

Ongi pasatzeko, edota euren esperientziak besteekin trukatzeko helburuarekin euskararen aldeko ekintzak antolatzen dituztenen bilgunea prestatu dute Topagunetik, Arabarra, gaztea eta euskaltzalea! Bai eta zer? lelopean.   

Lurralde mailan mota honetako elkarretaratzea egiten den lehenengo aldia da, eta horregatik antolakuntzatik "esperimentu" moduan planteatu dute. "Batzuetan gure herrietan egiten diren ekintzek ez dute guri gustatuko litzaigukeen erantzuna izaten. Egun honetako xede nagusia, ordea, gauza guztien gainetik gu gustura egotea da", adierazi du Unai Vianak, antolakuntzako kideak. 

Horretarako, Arabako txoko desberdin guztietako lagunak biltzea lortu nahi dute. "Momentuz, Añana eta Trebiñutik jendea erakartzea kostatzen ari zaigu, baina gainontzeko Kuadrilletako ordezkariek dagoeneko baiezkoa eman digute", azaldu du Vianak.  

Elkarretaratzea

Hamar terdiak aldera, topaketari hasiera emateko herri bakoitzeko delegatuek euren aurkezpenak egingo dituzte. "Hala ere, ez dugu inor aspertu nahi, beraz, hitzaldiak arinak, atseginak edota dibertigarriak izatea eskatu diegu", argitu du Vianak. "Gainera, ahal den neurrian gauza betegarriak eta baliabide asko behar ez dituzten ideiak ekartzea eskatu diegu, esperientzia bera beste herrietara eraman ahal izateko". 

Bertaratutakoen aurkezpenak bukatzerakoan, mintzodromoa edo eztabaidarako mahai-inguruak egingo dituzte, esperientzia bakoitzaren puntu positiboak edota gabeziak zeintzuk diren aztertzeko. Eta amaieran, goizari buruzko balorazioa ere egingo dute. 

Eguerdi partean, aldiz, Gaztetxean bazkaria izango da, eta ondoren, 20:00ak arte, kontzertuak egongo dira, Orbanak, Odolkiak eta Tinko taldeen eskutik. 

Albiste hau Aleak argitaratu du eta CC-by-sa lizentziari esker ekarri dugu ARGIAra

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Euskara Araban  |  Topagunea

Euskara Araban kanaletik interesatuko zaizu...
Aiaraldea Ekintzen Faktoria bizitza egitera doa

Bizitzeko proiektu baten aterpea izan asmo du. Aiaraldea Komunikazio Leihoak hauspotu du ekimena, eta komunikabide izatetik komunitate izateko jauzia ematen ari dira. Hezkuntza, feminismoa, kultura, ekonomia sozial eraldatzailea eta elikadura burujabetza ardatz, eta euskara bilgarri eta ibilgailu, bizitzeko alternatibak eraikitzen ari dira Aiaraldea Ekintzen Faktorian.


2018-03-22 | Euskara Zuian
Gorbeialdeko euskaltzaleen topaketa
MULTIMEDIA - erreportajea
Urtarrilaren 27an egin zuten Zuiako liburutegian (Murgian) Gorbeialdeko euskaltzaleon I. topaketa, "Zerk mugitzen gaitu?" lemapean, Gorbeialdeko Kuadrillako euskara zerbitzuak antolatuta. Gorbeialdea osatzen duten sei udalerrietako euskaltzaleek hartu zuten parte, egiten duten lanaren berri eman eta hori egiteko arrazoiak zein diren aletzeko.

Paul Urkijo
"Errementari euskaraz ez filmatzea ipuinari traizio egitea izango zen"

Film laburretatik luzeetarako jauzia egingo du 'Errementari'-rekin Paul Urkijok; Arabako herrixka batean, akzioa, terrorea, umore beltza eta bestelako osagaiak dakartzan pelikularekin.


2018-01-12 | Hala Bedi
Gasteizko Udaltzaingoaren 092 zenbakiak ez du euskaraz arretarik emango aurrerantzean

Udaltzaingoak PL2 maila eskatzen zuten 6 plaza eskaini zituen, Gasteizko euskara zerbitzua kontuan hartu gabe. ELAk salaketa jarri zuen eta nahi ez zuten ondorioa etorri da: Errege Egunetik, euskararik ez 092 telefono zenbakian.


Araba euskaldunagoa, baina...

Asier Etxenikeren hitzak dira, Alea aldizkarian jasoak: “Gure ingurua uste duguna baino euskaldunagoa da, baina horretaz jabetu behar gara euskaldunak, kontzientzia hartu behar dugu eta euskaraz bizitzeko ditugun aukerak baliatu...”

Ideia hori erabat berretsi zen Gasteizen, Euskaltzaindiak egindako XXII. Jagon Jardunaldian. Hantxe azaldu bezala, VI. Inkesta Soziolinguistikoak erakutsi du 16-30 urte bitarteko lau arabarretik hiru euskaldunak direla. Euskararen erabilera orokorra,... [+]


Arabako gazte euskaltzaleak
Urte berean bigarren topaketak egingo dituzte

Urtebeteko tarterik ere ez dute hartu bigarren topaketak egiteko. Lehenengoa 2017ko urtarrilaren 28an egin zuten eta bigarrena azaroaren 18an egingo dute.  Ez da seinale txarra. Haizea Alonso Aberasturik eta Jon Insausti Bizkarrak errepikatu egingo dute. Urtarrileko topaketetan oso ondo pasa zuten eta orain gogoz eta jakin-minez gerturatuko dira Gasteiza.


2017-11-10 | Hala Bedi
Araban, euskararen biziberritzean gako izan diren 16 geltoki

Araban euskararen biziberritzeak egin dituen pausoen inguruan berbaldi bat enkargatu zioten Vigoko unibertsitatekoek Txerra Rodriguez soziolinguistari, gero, Santiagoko unibertsitatean ere gauza bera errepikatzeko. Azkenean, galdera horri zuzenean erantzuna eman beharrean, 16 geltokiko bidaia proposatu du Araban barrena ARGIAko blogean.


2017-11-07 | Hala Bedi
Azaroaren 18an ospatuko dituzte Arabar Gazte Euskaltzaleon II. Topaketak

Oihaneder Euskararen Etxean hasiko dira jardunaldiak, Gasteizko beste gune batzuetan jarraituz egitarauarekin. “Ezinbestekotzat jotzen genuen sare bat sortu genuen, elkar elikatzeko, elkarren eredu izateko, elkarri hazten laguntzeko, elkarrekin borrokatzen jarraitzeko”, adierazi dute.


2017-09-24 | Axier Lopez
Arabako Alea aldizkaria eta Hala Bedi irratia
"Lehen patatero deitzen ziguten mespretxuz, orain harro esaten dugu"

Aurtengo ARGIA Egunak Gasteizen lur hartuko du urriaren 7an. Hiriburu batean egiten dugun lehen aldia da. Eta ez da kasualitatea Arabakoa aukeratu izana. Ezer gertatzen ez den 8. lurralde erdaldunean. Hori diote aurreiritzi zaharrek. Eta, ohi bezala, egia ezkutatzeko besterik ez dute balio. Arabako gure konplizeek ondo baino hobeto dakite hori. Igor Goikolea eta Maialen Kortabarria (Hala Bedi) eta Aritz Martinez de Lunarekin (Alea) hitz egin dugu.


2017-09-15 | Arabako Alea
Mintzalagun talde bat sortu nahi dute ikasturte berrian Trebi˝un

Irailaren 22ra arte eman dezakete programarako izena udaletako euskara zerbitzuan.


Eguneraketa berriak daude