Estatuei ETAren desarmatzean inplikatzeko eskatu diete Urkulluk eta Etchegarayk lehen bilera ofizialean

  • Iñigo Urkullu EAEko lehendakaria eta Jean-René Etchegaray  Euskal Elkargoko presidentea asteazkenean bildu ziren lehenbiziko aldiz. Argazkiak badu pisua, Bidasoaren bi aldeetako euskal erakundeen lehen bilera ofiziala zelako.


2017ko otsailaren 02an - 10:46
Urkullu eta Etchegaray bileraren aurretik (argazkia: Irekia).

Argazkiaz gain, ordea, mezu bateratua emateko probestu zuten bi ordezkari politikoek bilera. Espainiako eta Frantziako Estatuei ETAren desarmatzean engaiatzeko eskatu zieten, “indarkeriaren amaiera ordenatua” lortze aldera.

“Biok partekatzen dugu Aieteko adierazpenean parte hartu izanaren esperientzia eta biok daukagu indarkeriaren amaiera ordenatua izan beharko litzatekeenari buruzko ikuspegi bera”, azaldu du Urkulluk. EAEko lehendakariaren esanetan “inspirazio humanista kristautik” begiratzen diote aferari, eta ikuspegi horretatik ulertzen ditzute “biktimen memoria eta desarmatze plan batetik bideratu litezkeen urrats guztiak”.

Euskal Elkargoko ordezkari bat EAEn

Nagusiki politika publikoez hitz egin zuten bi ordezkariek Europa Press agentziaren arabera, bi aldeetako erakundeen arteko elkarlan aukera berrietan fokua jarriz.

Alde horretatik, Etchegarayk borondatea adierazi du “mugaz gaindiko” ordezkari bat ezartzeko Euskal Autonomia Erkidegoan, Mediabaskek informatu duenez.

Buruzagi zentristak gogoratu du lehenagotik bazirela maila instituzionaleko harremanak EAEren eta Ipar Euskal Herriaren artean, bereziki Akitania Berria-Euskadi-Nafarroa Euro-erregioa.


Kanal honetatik interesatuko zaizu: ETAren desarmatzea
'Bakegileak' errugabetzeko eskatu dute hainbat eragile eta sindikatuk

Txetx Etxeberrik eta Beatrice Mollek ETAren armagabetzearen auzian egindako lana epaituko dute Parisen, apirilaren 2an eta 3an. Mobilizazioak deitu dituzte Euskal Herriko zapi hiriburuetan apirilaren 3rako.


Luhusoko auziperatuen errugabetzea eskatzeko kanpaina aurkeztu dute

Apirilaren 2an eta 3an iraganen da Beatrice Molle-Haran eta Txetx Jean-Noël Etcheverryren aurkako auzia Parisen, 2016ko abenduaren 16an Luhuson buruturiko ETAren armagabetze zibilaren harira. Errugabetzea eskatzeko kanpainaren baitan izenpedura bilketa abiatu dute. Lehen... [+]


2021-01-07 | ARGIA
Mikel Barriosen aurkako 5 urteko kartzela zigorra berretsi du Parisek

Dei Auzitegiak bat egin du ekainean Parisko Zigor auzitegiak hartutako erabakiarekin eta kartzelara itzuli beharko du iruindarrak, baina oraingoz prokuradoreak ez du data jakin bat finkatu.


2020-10-20 | Euskal Irratiak
Egoitz Urrutikoetxea
"Badirudi Frantziako justiziarendako, negoziazio batzuetan parte hartzea, gaizkile elkarteko kide izatea eta ekintza terroristak prestatzea dela"

Josu Urrutikoetxearen aurka bi auzi iragan behar dira aste huntan Pariseko auzitegi korrekzionalean. Biak ere ETA talde armatuko kide izateagatik dira, baina mementu desberdinetan.


2020-06-24 | ARGIA
ETAren desarmatzea auzitan jartzen duten argudioekin, Frantziak bost urteko espetxe zigorra ezarri dio Mikel Barriosi

Bost urteko espetxe zigorra jarri dio astearte honetan Parisko Auzitegi Korrekzionalak Mikel Barrios Iruñeko preso ohiari. Datorren astelehenean sartu beharko da berriro kartzelan.


Eguneraketa berriak daude