Espainiar eskuinaren hegemonia

  • Hauteskunde biharamuneko ARGIAren azal honek eskaintzen zuen irudia ez zen txantxetakoa. Hori da Mariano Rajoyren ahotan entzungo den diskurtsoa, Espainia urdinarena. Tribunatik Espainiako eskuinaren nagusitasun ia erabatekoa barreiatuko da.


2016ko abuztuaren 30an - 13:07

Espainiako botere faktikoek asmatu dute azkenean Ciudadanosen sorrerarekin. Pozik dira IBEXekoak, enpresarien elkarteak, Bruselako agintariak, hedabide eskuindarrak eta bestelakoak, esaterako PSOEko baroiak edo El País.

Eta hala ere, Rajoyk ez du gobernurik aterako biharko bozketatik. Hegemonia ez da oraindik erabatekoa. Eta ostiralean? PSOE gaur egun zer den ikusita, azkenean abstentziora joko duela pentsatzea da logikoena, bilatuko duela formularik. Baina Pedro Sanchezek eutsi egin dio orain arte, egingo ez zuela pentsatzen zuten ni bezalakoei muturrean emanez. Desafioarekin hirugarren hauteskundeetara jotzea urrutiegi joatea litzateke ordea, batez ere Podemos Unidos eta gainerakoekin gobernu alternatibarik osatzeko ahaleginik egin ez duenean. Jakina, helburua ia ezinezkoa litzateke.

Frankismoaren heriotza naturaletik lau hamarkadara, haren izpiritua pozarren dabil Moncloa Jauregiko zeru inguruetan: “Dena lotua eta ondo lotua”. Baina badu zirrikiturik, mapan more kolorez agertzen diren horiek, besteak beste. Trantsizioaren itun beti “eredugarri” hark gaizki itxi zuen Estatuko nazioen errealitatea, eta hala diraute orain ere. Hortik datorkio lehen desafioa Espainiako eskuin berrituari: uztailaren amaieran Kataluniako Legebiltzarrak xake egin berri dio Konstituzio Auzitegiaren aginduari muzin eginez. Eta abenduan ere, hauteskunde berriekin edo gabe, patata bero horrek hortxe jarraituko du.


Kanal honetatik interesatuko zaizu: Nor izango da Espainiako presidente?
Rajoyren inbestiduraren aurka manifestazioa deitu dute Madrilen, "Mafiaren kolpea" salatzeko

Mariano Rajoyren inbestiduraren aurka, larunbatean manifestaziora deitu du 25-S erakundeak. Rajoy presidente bihurtuko duen inbestidura saioarekin batera abiatuko da. “Mafiaren kolpearen aurrean, demokrazia” leloarekin abiatuko da.


2016-08-31 | Unai Brea
Rajoyri ezezkoa inbestidura saioko lehen bozketan

Espero zenez, Mariano Rajoy PPko hautagaiak ez du lortu Espainiako presidente izateko behar adina babes inbestidura saioko lehen bozketan. Baiezko 170 boto jaso ditu jarduneko presidenteak, eta 180 ezezko. Ez da abstentziorik izan.


Urkullu: "EH Bildu kontziente zen egoeraz. Ez dut ikusi hautagaitzarik erretiratu duenik"

Lehendakariak “oportunismoa” egotzi dio EH Bilduri Eusko Jaurlaritzaren ikasturte berriko lehen kontseilu bileraren ostean. Espainiako Gobernuari, abertzaleak mespretxatzea.


Rajoyren inbestidura saioa: Ciudadanosen ultimatuma, Pastorren jokaldia eta eguberriak

Datozen 48 orduetan PPk bere eskaerak betetzen ez baditu, inbestidura saioan baiezkoa emateko negoziaketak bertan behera utziko ditu Ciudadanosek.


Pedro Sanchezek ez du presidente izateko babesa lortu

Aurreikusita zegoen gisara, Pedro Sanchezek ez du lehen inbestidura saioan presidente izatea lortu; PSOEko hautagaiari ez zaio aski izan Ciudadanos eta Nueva Canarias alderdien babesa. Sanchezek gehiengo absolutua zuen beharrezko Gobernuko presidente izateko.


Eguneraketa berriak daude