ETA deseginda egon arren Espainiako poliziak bazterketa soziala pairatzen jarraitzen duela adierazi du SUP polizien sindikatuak Publiko egunkarian.
Dagoeneko ETA gabeko garai berriak direla eta maiatzean Jon Inarritu EH Bilduko senatariak Espainiako Gobernuari eskatu zion lan-sari bereziaren inguruan azterketa sakona egiteko.
Espainiako poliziek eta guardia zibilek kobratzen dute lurraldetasun-plusa, eta hau lurralde bakoitzeko errealitatearen arabera desberdina da, arriskugarritasuna eta beste faktore batzuk kontuan hartzen direlako.
“Zorionez ez dugu ETAren terrorismorik baina segurtasun indarrei bazterketa soziala egiten zaie”, adierazi du SUPeko arduraduna den Ramon Cossiok; euskal gizartean “integratzea zaila” dela ere salatu du.
Barne ministerioaren iturriek adierazi dutenez, goiz da lan-sariari buruzko erantzun bat emateko eta aurrerago bilduko dira Fernando Grande-Marlaska Espainiako Barne ministroa, Goardia Zibila, Polizia Nazionala eta hauen sindikatuak gaiaz aritzeko.
2011. urtean ETAk bere jarduera armatua utzi zuenetik, lan-sari hau kendu edo gutxitu beharrean igo egin dute.
Euskal Herriko Espainiako Poliziak eta Goardia Zibilek 653 euro kobratzen dute batez beste 1986. urteaz geroztik. Estatuak urtean, 246 milioi euro inbertitzen ditu lurraldetasun-tasan.
Jon Inarritu senatariak plus hauek desagertzea eskatu du eta Guardia Zibila eta Espainiako Poliziak Euskal Herritik ateratzea. Barne ministerioaren esanetan, 1.929 polizia eta 3.865 guardia zibil daude Hegoaldean gaur egun.
Polizia ohiak onartu zion Ertzaintzari berak egin zuela tiro eta agenteek legez kanpoko hainbat arma atzeman zizkioten etxean. Akusazio partikularrak 13 urte eta erdiko espetxe zigorra eskatuko du armak eta lehergailuak gordetzeagatik eta kalteak eragiteagatik. Fiskaltzak,... [+]
Asteazkenean atxilotutako Indar Gorriko 61 kideak libre utzi ditu Iruñeko Instrukzioko 4. epaitegiak, behin-behineko askatasunean eta kautelazko inongo neurririk gabe.
Espainiako Poliziak joan den asteartean atxilotu zuen Iturmendin (Nafarroa) eta, Espainiako Auzitegi Nazionalaren aginduz, Madrilera eraman zuten inkomunikatua.
Espainiako Poliziak astearte eguerdian atxilotu zuen bere etxean, Iturmendin (Nafarroa), antza sare sozialetako mezuren batekin lotuta. Arratsean segundo batzuetako deia egin zien senideei Madrilera eramaten zutela jakinarazteko, ARGIAk jakin duenez. Estefanía Cerverak 63... [+]
Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.