Espainiako Itzulia protesta artean igaroko da Euskal Herritik

  • Araba salbu, gainontzeko sei herrialdeetatik igaroko dira txirrindulariak ostegun, ostiral eta larunbatean.Trafikoan eragin handia izango du txirrindularitza probak.


2016ko irailaren 01an - 12:04

Azken egunetan eguzki galdatan aritu behar izan dute Espainiako Itzulian lehiatzen ari diren txirrindulariek. Galizian, Asturiasen eta Kantabrian ibili ostean, ikusteke dago eguraldiak zer harrera egingo dien Euskal Herrian. Herritarren harrera ere, kolokan: protestak iragarri dituzte zenbait lekutan.

Bilbon amaituko da osteguneko etapa, eta bidean Muskizetik igaroko da Kantabriatik datorren tropela. Deialdia luzatu dute Las Karreraseko bizilagunek, 15:30ean euskal ikurrekin kalera irteteko. Abandotik ere igaroko da, eta bertako EH Bilduk “hau Euskal Herria dela erakusteko” deialdia egin du.

Ostiralean Bilbo eta Urdazubi arteko etapa izango da, eta Bizkaia, Gipuzkoa eta Nafarroa zeharkatuko ditu. Ordurako ere antolatuta daude protesta ekitaldiak: Bilboko udaletxe parean hasiko da etapa, eta bertan biltzeko dei egin dute “Ikus gaitzatela! Euskal Herria aldarrikatu” lelopean. Goizeko hamaiketan jarri dute hitzordua, eta ikurrinak eta presoen aldeko ikurrak eramateko dei egin dute.

Larunbatean Nafarroa, Lapurdi, Behe Nafarroa eta Zuberoa zeharkatuko dituzte txirrindulariek.

Trafiko arazoak aurreikusten dira

Aldaketa handiak daude iragarrita trafikoari dagokionez. Bilbon, esaterako, udal ordezkariek autorik ez hartzeko dei egin diete herritarrei, eta Kale Nagusiaren inguruetan aparkatuta daudenak erretiratzeko eskatu.

San Mameseko irteera itxita egongo da ostegunean, 15:15tik 16:40ra bitartean, eta Juan Garai kaletik joan beharko dute Bilbora sartu edo autobidera irten nahi dutenek. Halaber, Txorierri, Begoña, Salbe eta Ugaskoko tuneletatik ere ezingo da igaro. Garraio publikoaren ibilbideak ere aldarazi egingo ditu etaparen ibilbideak. Bereziki, autobus eta tranbietan.

Itzulia igaroko den beste lekuetan ere aldaketak daude iragarrita. Ostiralean, esaterako, kostako errepidea itxi egingo da Deba eta Zarautz artean arratsaldeko lehen orduetan.


Kanal honetatik interesatuko zaizu: Txirrindularitza
2023-10-29 | Jon Torner Zabala
Nola jan espazioa, espazioa jan duenari?

Martxoaren 22an, Frantziako Tourra hasteko 100 egun falta zirenean, Bilboko San Mames estadioan lur hartu zuen Juan Mari Aburto alkateak. Hainbat lagunek osatutako tropelaren erdian zihoan, Bilbaobizi alokairu-zerbitzuaren logoa zuen bizikleta elektriko gorri batean, erakusteko... [+]


Espainiako Vueltan errepideak euskal ikurrez betetzeko deia egin dute astebururako

Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.


Bilbao ikurrinarekin zoriondu dute Tourrean: batzuk pozik, besteak hasarre

Pello Bilbao txirrindulari gernikarrak irabazi du astearteko Frantziako Tourreko lasterketa. Txapelketaren Twitter kontutik Espainiako bandera batekin zoriondu dute hasieran, baina bi minutu pasa ostean txio hori ezabatu eta ikurrina jarri diote. Pozez hartu dute batzuek, baina... [+]


Txirrindularitzarekiko zaletasuna turismoaren negozioa bultzatzeko baliatu nahi dutela salatu dute

Asteburuan Frantziako Tourraren 2023ko edizioa Bilbotik abiatuko da, eta lasterketak Euskal Herria zeharkatuko du lehenengo hiru etapetan. Ibilbidea Bilbon hasi eta, besteak beste, Gasteiz, Donostia eta Baiona hirietatik pasako da. Donostiako Bizilagunekin Plataformak Tourraren... [+]


Tourraren irabazleak eta... galtzaileak?

Frantziako Tourra hastera doan honetan, Bilbon hotelen prezioak izugarri garestitu dira eta luxuzko jatetxeetan tokirik ez dago aspaldi. Bizkitartean, ostalaritzako langileak greban dira, inflazioaren eta behin behinekotasunaren ondorioz galdutakoa berreskuratu nahian.


Eguneraketa berriak daude