Espainiako Gobernuak ustelkeria kasuen ondorioz desegitea erabaki duen Defex enpresaren zati dira Sapa eta Alfa Lan

  • Irailaren 22an onartu du Gobernuak Defex enpresa publiko-pribatua desegitea eta likidatzea. 45 urtean armamentuak esportatzen aritu da eta arma enpresei atzerriko gobernuekin negoziaketetan laguntzen. Ustelkeria kasuek ekarri dute Gobernuak desegiteko erabakia hartzea. Ibon Aperribay da Sapa enpresatik Defexeko kontseilaria.

Estitxu Eizagirre @eeizagirre
2017ko irailaren 25a
I˝igo Mendez Vigo Gobernuko bozeramailea berri ematen.

2014an Audientzia Nazionalak zabaldutako ikerketan inplikatua dago Defex. Bi prozedura judizial daude irekita, nazioarteko trantsakzioetan ustelkeria delitua ikertzeko, Ogasunaren aurkako delituak eta diru zuriketak aztertzeko. El Mundo-ko albiste honetan irakur dezakegunez, Angola, Kamerun, Egipto eta Saudi Arabian egin dituen kontratuak ikertzen ari dira, paradisu fiskaletara egindako diru desbideraketak, gehiegizko komisioak eta gainerako irregulartasunak argitzeko. 

Jabego publiko-pribatua

Defex enpresaren %51 jabetzaz publikoa da, Ogasun eta Administrazio Publikoen menpe dagoen SEPI-k (Sociedad Española de Participaciones Industriales) parte hartzen du.

Gainerako %49 enpresa pribatu hauen esku dago: Explosivos Alaveses SA (%10,888), Maxam Corp Holding Asset & Services SL (%10,888), Instalaza SA (%10,888), eta Euskal Herriko Sapa (%8,167) eta Alfa Lan (%8,167).

Zuzendaritza karguak

Ustelkeria kasuetan inplikatutako pertsonak kaleratu izan ditu aginte organuetatik Defexek eta beste batzuez ordezkatu.

Sapa enpresatik Ibon Aperribay Bedialauneta da Defexeko kontseilaria.

LibreBORME-ren arabera, hauek dira Defex enpresako gainerako karguak:

Lehendakaria: Juan Carlos Villamia Ugarte.

Auditorea: Pricewaterhousecoopers Auditores SL.

Kontseilariak: Muñoz Bueno Leoncio, Garcia Garcia Ines, Ramos Toribio Isabel, Torrente Sanchez Francisco, Fernandez-Arias Minuesa Carlos, Maxamcorp Holding Assets & Services SL, Bosch Jimenez Angeles, Enriquez Gonzalez Nicolas.

Ahaldunak: Moreno Vivas Jesus, Gomez Monge Jorge, Vazquez Alvarez Jose Emilio, Saez Marugan Maria Del Rosario, Llorens Alonso Fernando, Gonzalez Izquierdo Quinidio, Gomez Cuesta Enrique Francisco.

Ustelkeria kasuek eraman dute desegitera

Infodefensa-k biltzen du Espainiako Gobernuak Defex ixteko eman duen argudioa: "Prozedura penal hauek negatiboki eragiten ari dira enpresaren kudeaketan, ospean jasaten ari den kaltearen ondorioz, negozio aukera berriak lortzeko aukerak murriztu egiten zaizkio, eta honek dakar arriskuak eta ezinegonak sortzea eta bankuetara sarbidea zailtzea".

Ministroen kontseiluak bide eman ostean, desegiteko hurrengo urratsa Defexen batzar orokor berezia deitzea da, gai ordenean puntu bakarra izango duena: enpresa desegitea eta likidatzea adostea.

Aurrerantzean Oficaex-ek egin lezake funtzio bera

Espainiako Defentsa Ministerioak proposatuta, Defexen jabe nagusi den SEPI elkarte publikoak apirilean eskatu zuen enpresa desegitea. El Mundo-ren arabera, orain arte Defexek esportatzen egin duen lana aurrerantzean Armamentu eta Materialerako Zuzendaritza Orokorraren menpe dagoen Kanpo Laguntzarako Bulegoak (Oficaex) egingo luke.

Kanal hauetan artxibatua: Armagintza  |  Sapa  |  Alfalan

Armagintza kanaletik interesatuko zaizu...
2017-10-21 | Estitxu Eizagirre
"Zer egingo dugu, arma fabrikak konbertitu, edo txalo jo gerrak daudelako?"

Mikel Oterok (EH Bildu) salaketa hau egin zuen urriaren 20an Eusko Legebiltzarrean: "Bilboko portutik armamentuz kargatutako ehunka edukiontzi ateratzen dira Saudi Arabiara. Arma horiek gerra krimenak egiteko erabiltzen dira, etikaren eta legearen aurka. Eta hau gertatu dadin, beharrezkoak dira kolaborazio edo utzikeriak. Gaur aztertu nahi dut, Jaurlaritzaren kolaboraziorik baden".


2017-10-05 | Andoni Mikelarena
AEB: 100 biztanleko 88 arma

“Lagun bat duzu Etxe Zurian”. Hitz horiekin agurtu zuen Donald Trump AEBetako presidenteak Erriflearen Elkarte Nazionala (NRA, ingelesezko siglekin) presidentetzara iritsi zenean. Gauza jakina da AEBetan armen industriak duen indarra. Munduan biztanleko arma gehien dituen estatua da, besteak beste.


2017-09-24 | Estitxu Eizagirre
Etxean uso kanpoan kondor

Indarkeria militarrak munduko edozein txokotan jendea hiltzea negozio da Euskal Herriko ehun bat enpresarentzat. Ez alferrik, erakunde publikoek industria hau sustatzen dutela azaldu digu Gasteizkoak kolektiboak. Aldiz, herritarrok zeharo hunkitzen gara, eta asaldatzen, arma hauek sortzen duten tragediaren irudiak ikustean. Gertaera horietan Euskal Herriak duen parte-hartzea ezkutatzen zaigu, edo ez jakitea dugu nahiago? Bitartean, euskal herritarron eguneroko bizitza ere gero eta... [+]


2017-09-24 | Estitxu Eizagirre
Euskal Herriko enpresek esportatutako armamentua (2015-2017)

Delas Zentruaren mapak erakusten ditu gerran diren herrialdeak (gorriz), barne gatazkak dituzten puntu beroak (laranjaz) eta gerretan parte hartzen ari diren herrialdeak (horiz). Bildu ditugun datuekin kokatu ditugu mapan puntu beltzak: hauek erakusten dute Euskal Herriko enpresek puntuak markatutako herrialdera gai militarrak esportatu dituztela. Enpresek ez dute obligaziorik expotazio hauek publiko egiteko eta beraz, ditugun datuak izebergaren punta baino ez dira. Horien artean nabarmentzen... [+]


2017-09-24 | Estitxu Eizagirre
Armak ekoizten dituzten Euskal Herriko enpresak

Iturria: Gasteizkoak kolektiboa.


ARABA

ADS (Advanced Dynamic Systems)

AEG Power Solutions Ibérica (lehengo Saft)

Aernnova Aerospace

Alestis aerospace

Altran

Talleres Aratz

BBI (Beretta-Benelli Ibérica)

Burdinberri

Coeca

CTA (Centro de Tecnologías Aeronáuticas)

Erle robotics

Alcor Taldea

IDEC (Ingeniería y Desarrollos en Composites)

LTK Industrial & Aeronautic Logistic Services

Maxam (UEE Cartuchería... [+]


2017-09-24 | Estitxu Eizagirre
Euskal bankuek arma enpresei bideratutako dirua (2011-15)

Caja Rural    16.472.208 €

Nori: Indra, Maxam, Oesia.

Crédit Agricole    4.634.369 €

Nori: Indra, Navantia, Airbus, Finmeccanica, Babcock&Wilcox, BAE systems, Thales, Serco, Boeing, Lockheed Martin, Raytheon, Safran, Fluor, Larsen & Toubro, Bechtel.

Kutxabank    2.733.850 €

Nori: Indra, Sener.

Arma enpresen finantziazioa gakoa da armak ekoizteko. Espainiako Estatuko arma enpresen zorpetze ratioa batez... [+]


2017-09-22 | Unai Brea
Saudi Arabiari armak saltzearen aurka Greenpeacen ekintza Santurtziko portuan

Greenpeaceko hainbat ekintzailek protesta ekintza egin dute Santurtziko portuan, Saudi Arabiara armak bidaltzearen aurka. Arma merkataritzaren ezkutukeria salatu nahi izan dute horrela, baita ohartarazi ere Espainiako Estatuan ez dela legezkoa herritar zibilen aurka erabil litezkeen armak esportatzea.


2017-09-22 | Estitxu Eizagirre
Etxean uso kanpoan kondor

Indarkeria militarrak munduko edozein txokotan jendea hiltzea negozio da Euskal Herriko ehun bat enpresarentzat. Ez alferrik, erakunde publikoek industria hau sustatzen dutela azaldu digu Gasteizkoak kolektiboak. Aldiz, herritarrok zeharo hunkitzen gara arma hauek sortzen duten tragediaren irudiak ikustean. Gertaera horietan Euskal Herriak duen parte-hartzea ezkutatzen zaigu, edo ez jakitea dugu nahiago?


2017-09-15 | Unai Brea
Armen esportazioan gardentasuna exijitu diote Espainiako Estatuari

Espainian opakua da arma esportazioa, eta ezkutukeria hori legediak bermatzen du gainera. Suhiltzaile baten intsumisio keinuari esker jakin genuen Bilboko portutik Saudi Arabiara armak bidali direla, baina normalena bidalketa horiez ezer ez jakitea da. Ez nondik, ez nori, ez zer. Ezkutukeria hori amai dadin kanpaina abiatu dute gobernuz kanpoko lau erakundek; gaiaz argitaratu duten txostena aurkeztu dute Bilbon.


Azkenak
EGILEA
Eguneraketa berriak daude