Espainiak uste baino ekarpen ekonomiko txikiagoa egingo du Donostia 2016n

  • Donostia 2016ren aurrekontuan jaitsiera berria iragarri zuen joan den ostiralean Pablo Berastegui egitasmoaren zuzendariak.


2015eko martxoaren 09an - 11:12
Joan den ostiralean aurkeztu zutten programaren aurrerapena Lugaritz kultur etxean (argazkia: Noticias de Gipuzkoa).

Hiriburu Kulturalaren programa aurreratzeko jendaurrean egiten ari diren aurkezpenen lehenbiziko zitan iragarri duenez, 48 milioi euroko aurrekontuarekin ari dira lanean egun –proiektua martxan jarri zenean 89 milioi aurreikusten ziren eta iazko irailean 63,6–.

Espainiako Gobernuaren Kultura ministerioaren jarrerak ekarri du kopuru berria, izan ere, hasieran erakunde horren 12 milioiko ekarpena kalkulatu zen, baieztatu gabe zegoen arren.

Eta momentuz, lau milioitan geratuko da Rajoyren gobernuak Donostian jarriko duena, Alberto Moyano kazetariak El Diario Vascon jaso duenez.

Horren ondorioz, Berasteguiren arabera, Donostia 2016k Europako gainontzeko Kultur Hiriburuek baino aurrekontu apalxeagoa izango du.


Kanal honetatik interesatuko zaizu: Donostia 2016
Kulturak hiria eraldatu nahi izan zuen urtea

Urteak igaro genituen “Donostia 2016” entzuten. Europako kultur hiriburua, herritarren energia olatua, elkarbizitzaren kultura... Hitz handien atzean, krisiz eta gatazkez betetako prozesua izan zen. Nork ez du oroitzen Odon Elorza eta Juan Karlos Izagirreren arteko... [+]


2016: kultura aitzakia gisa erabili zen urtea?

Atzera begira, inork gutxik uste du 2016ak bere helburu kulturalak bete zituenik. Kontrara, ordutik hona, hiriaren turistifikazio masiboaren erantzuleetako baten moduan ikusten dute askok egitasmoa. Baina zer zioten garaian hiriburutzaren kontrakoek? Izan al du hiriburutzak... [+]


Streisand efektuak ez gaitu zentsuratik libratuko, Donostia 2016n ikusi genuen

Iazko abenduko egun bat izan zen, larunbat goiza. Ahoz aho zabaldutako informazioari esker izan nuen filmaren proiekzioaren berri eta kulturgune batera joan nintzen, Donostian, gauza handirik jakin gabe: zer ikusiko genuen pantailan, sarrerarik ordaindu behar ote zen, zenbat... [+]


Donostia 2016k eragindako diru sarrerek apenas berdindu dute proiektuaren aurrekontua, datu ofizialen arabera

Donostiako Udalak eta Donostia 2016 kultur hiriburuaren zuzendaritzak kalkulatu dute kultur hiriburuak 47,1 milioi euro utzi dituela hiriko ehundura ekonomikoan. Kultur hiriburuaren aurrekontua 46,8 milioi eurokoa zela.


Donostia 2016: amaitu da festa

Azkar pasa da Donostia Europako Kultur Hiriburu izan den urtea ezta? Nolanahi, errepasatzen hasita etorkizunean ere zeresana eman dezaketen gaiak plazaratu dira proiektuaren inguruan. Donostia 2016ri begiratu diogu, Donostia 2017tik.


Eguneraketa berriak daude