Espainiako Gobernuak proposatutako gastu publikoaren muga onartu du Kongresuak; UPN eta EAJ, alde

  • Espainiako Gobernuak aurrera atera du Diputatuen Kongresuan aurrekontuen egonkortasunari buruzko proposamena. Hala, argi berdea eman zaio datorren urterako exekutiboak proposatutako Gastu Mugari. Ondorioz, ohiko gastuetarako "aurten baino 140 milioi euro gutxiago eduki ditzake 2018an Eusko Jaurlaritzak, eta 36 milioi gutxiago Nafarroako Gobernuak", EH Bilduko Marian Beitialarrangoitiaren esanetan. EAJk eta UPNk Mugaren alde bozkatu dute.

Unai Brea @unaibrea
2017ko uztailaren 11

Espainiako Aurrekontuen Egonkortasunerako Legeak ezartzen duenez, 2018-2020 epealdirako defizit eta zor publiko helburuez bozkatu dute, hala nola datorren urterako gastu publiko ez finantzarioen mugaz (alegia, inbertsioetarako ez den gastuaz). Bozketa baino ordu gutxi lehenago EAJk alde bozkatuko duela iragarri eta gero, garbi geratu da Gobernuaren proposamena aurrera aterako zela, tarte estuarekin bada ere: 175 boto alde eta 173 aurka. Neurriok atzera botatzeko, ezezkoa gailendu beharko litzateke.

EAJk esan du “erantzukizunez jokatzeagatik” eta “Euskadirentzat onuragarria delako" bozkatu duela 2018rako Gastu Mugaren alde. Muga hori neurri teknikoa dela eta “balio politikorik ez duela” gaineratu du alderdi jeltzaleak. Maiatzean Kupoaren inguruan Eusko Jaurlaritzak eta Espainiako Gobernuak erdietsitako akordioak aldebikotasuna indartu du haien ustez, eta horrek ere baiezkorantz egiten lagundu die, azaldu dutenez. Bestalde, ontzat jo dute Madrilek pixka bat igo izana autonomia erkidegoei baimenduko zaien defizit publikoa, iazkoarekin alderatuz. Udalei baimentzen zaien zorpetzea, berriz, %0koa.

EH Bilduko Marian Betialarrangoitiak kritikatu du Espainiako Gobernuak “beretzat gordetzen duela zorpetzeko gaitasunik handiena, gizartearen mesederako gastu publiko gutxien egiten duen erakundea izanda”. Udalek, aldiz, ezin dituzte beren aurrekontuak nahieran erabili, eta zorra kitatzeko baliatu behar dute superabita, “zor hori arazoa ez denean ere”. Politika sozialetarako aurrekontuak mugatzen ditu horrek, Beitialarrangoitiaren esanetan. Halaber, Hegoaldeko erkidegoetako gobernuek ere diru gutxiago izango dutela azpimarratu du, “herritarrak zahartzearen ondorioz zergen bidezko diru-bilketa beherantz doan bitartean”.


Aurrekontuak kanaletik interesatuko zaizu...
2017-11-20 | Andoni Mikelarena
Dozenaka mila herritar kalera atera dira Valentzian "bidezko finantzazioa" eskatzera

Valentziako Gobernuak, PSUV, Compromis, CCOO, UGT, Valentziako enpresarien elkarteak eta beste hamaika elkartek deitu zuten manifestaziora larunbaterako. Bidezko finantzazioa “exijitu” zioten Espainiako Gobernuari.


Zatiketa Gasteizko legebiltzarrean: PSE eta EAJ elkarren kontra Espainiako Aurrekontuen mozioan

Eusko Legebiltzarrean Estatu Aurrekontuen inguruko bozketa egin eta ez dituzte onartu. EH Bildu, Elkarrekin Podemos eta PSE-EEk ezezko boza eman dute, jeltzaleen eta sozialisten arteko zatiketa sortuz.


Gervasio Gabirondo, Ertzaintzako zuzendaria: "Ertzaintzaren polizia-etxeetan ez da behin ere torturatu"

Ertzaintzak ez duela inoiz torturatu ziurtatu du Gervasio Gabirondo Ertzaintzako zuzendariak Euskadi Irratiko Faktoria saioan, eta Cabacas auzian korporatibismoz aritu direnik ukatu du.


2017-04-28 | ARGIA
EAJk ez du osoko zuzenketarik aurkeztuko, eta atea irekiko die Rajoyren aurrekontuei

EAJk ez du osoko zuzenketarik aurkeztuko Espainiako PPren aurrekontuen inguruan. Halere, jeltzaleek adierazi dute ez dutela baztertzen oposizioko beste alderdien osoko zuzenketen alde bozkatzea.


PPren Espainiako Aurrekontuak babestu ala ez erabakitzeko, EAJ telefono gorriaren zain

Ostiralean amaituko da Espainiako Aurrekontuen negoziaziorako epea eta PPk azken orduko bileraren bat deitu ezean, osoko zuzenketa aurkeztuko duela iragarri du EAJk.


Nafarroak 626 milioi euro emango dizkio Estatuari, Madrilek 76 milioi inbertituko ditu Nafarroan

626 milioi euroko sarrera eta 76 milioiko inbertsioa aurreikusten da Espainiako Estatuaren Aurrekontu Orokorretan. Ezberdintasuna inoiz baino handiagoa izango da, 550 milioi eurokoa.


EAJ, PSE eta PPren aurrekontuak "murriztaileak" direla esateko lau arrazoi labur

Eusko Legebiltzarrak Urkulluren gobernuak aurkeztutako 2017ko aurrekontuak onartu ditu astearte goizean egindako bilkuran. EAJk, PSEk PPk adostutako kontuek kritika sozial zorrotza eragin dute.


2017-04-11 | ARGIA
DSBEren aldeko grebalariek Eusko Legebiltzar barrura eraman dute euren oihua

2017ko aurrekontuak onartu behar diren osoko bilkura gerarazi eta kanporatu egin dituzte martxoaren 24tik gose greban dauden kideak. Diru-sarrerak Bermatzeko Errentan murrizketarik ez dadila egin aldarrikatu dute.


Gizarte babesa EAEn, Europako atzealdean

Gizarte batean dagoen gizarte-babes maila da adierazlerik egokiena neurtzeko zer politika publiko egiten den desberdintasuna borrokatu eta solidaritatea areagotzeko. Horregatik, nazioarte mailan estatistika homogeneo bat egin ohi da gizarte-babesa neurtzeko, hainbat funtzio aintzat hartuta: osasun-arreta, zahartzaroa (pentsioak barne), baliaezintasuna, langabezia, etxebizitza, gizarte-bazterketa, famili-prestazioak, etab.


EH Bilduk iragarri du osoko zuzenketa aurkeztuko diela Eusko Jaurlaritzaren aurrekontuei

EAJk PPrekin hitzartu dituen aurrekontuei osoko zuzenketa aurkeztuko diela jakinarazi du EH Bilduk, “Euskal Herritik kanpo eta ezkutuan” negoziatu dituztelako. Podemosek esan du aurrekontuek “desoreka” ekarriko dutela EAEra eta EAJk, berriz, ziurtatu du PPrekin negoziatu duela EH Bilduk eta Podemosek ez dutelako negoziaketarako aukerarik eman.


Azkenak
EGILEA
Eguneraketa berriak daude