Espainiako Gobernuak ez du ordezkaritzarik bidaliko Quim Torraren kargu-hartze ekitaldira

  • Espainiako Gobernua ez da joango Quim Torra Kataluniako presidente egingo duten ekitaldira, argudiatuz Kataluniako Gobernutik “gobernu ordezkaritza baten maila inposatu”  nahi dietela eta “Generalitateak antolatutako ekitaldiak instituzioaren duintasuna degradatzen duela”.


2018ko maiatzaren 17an - 12:10

Generalitateko jauregian egingo da presidente berriaren karguaren zina. Han izango dira Parlamentuko presidente Roger Torrent eta Torraren senideak.

Karguaren zina

Carles Puigdemonten Gobernura arte, presidentearen kargu-hartze ekitaldiak horrela antolatu dira: Kataluniako Parlamentuko presidenteak hautagaiari galdetzen zion ea “Kataluniako Generalitateko presidente karguaren betebeharrak zintzotasunez beteko zituen erregeari, Konstituzioari eta Autonomia Estatutuari eta Kataluniako instituzioei errespetuz”.

Puigdemonten kargu-hartzean, aldiz, orduko Parlamentuko presidente Carme Forcadellek eskemak apurtu zituen eta presidente ohiari galdetu zion ea zin egiten zuen “Generalitateko presidente karguaren betebeharrak zintzotasunez beteko zituela Parlamentuak ordezkatzen duen Kataluniako herriaren nahiei errespetuz”.

PSOEko buru Pedro Sanchezek esan du lege aldaketa proposatuko duela kargu-hartze ekitaldietan Konstituzioari zin egitea derrigorrezkoa izan dadin. Hauteskunde legea aldatuz edo baita horretarako espresuki arau bat sortuz egin daitekeela azaldu du Sanchezek.


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
Azoka
Kanal honetatik interesatuko zaizu: Katalunia independentziarantz
Junts-PSOE akordioa
Amnistia legea eta negoziazio mahai berria, legealdi akordioaren truke

Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.


'La Directa' babestu dute ARGIAk eta beste hainbat hedabidek: "Kazetaritza ez da terrorismoa"

La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]


La Directako kazetari bat ere "terrorismoagatik" inputatu dute Tsunami Demokratikoaren auzian

Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]


Puigdemont eta Rovira inputatu ditu Auzitegi Nazionalak Tsunami Demokratikoagatik

Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.


Jordien indultua egokia dela onartu dute eta Miquel Buch kontseilari ohia lau urtera zigortu

Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]


Eguneraketa berriak daude