Espainiako armadak 10 tona jaurtigai bota ditu Bardeetan
Espainiako Aireko Armada bere abioi eta armamentu sistemak frogatzen aritu da azken egunotan Bardeetako tiro poligonoan. Maniobran 24 ehiza-hegazkinek hartu dute parte, eta osotara hamar bonba tona inguru jaurti dituzte Bardeetako lurretara.
Armadaren mugimendu hauetan aritu dira hogei F-18 ehiza-hegazkin, bi Eurofighter eta bi F-5, eskuadroi horien tripulazio eta lurreko babeserako pertsonalarekin.
32 jaurtigailutik gora erabili dira, horien artean bi Maverick misil eta hainbat gidatutako bonba. Bertsio ofizialaren arabera, guztiek lurrean “zehaztutako jomugetan” jo dute.
Maniobra hauetara bertaratu da Javier Garcia Arnaiz, Espainiako Armadaren Aireko Estatu Nagusiko buruzagia, eta azpimarratu du modu honetako maniobrek garrantzia handia dutela ejerzitoaren “borroka ahalmena” prestatzeko.
Arnaizek adierazi duenez, armadako pertsonala mentalki prestatzeko nahitaezkoa da noizean behin benetako munizioarekin probak egitea, baita sistemek egoki funtzionatzen dutela egiaztatzeko ere:“Arazoren batez jabetzeko oso momentu txarra izango litzateke benetako misio bat”.
Espainiako armadak antolatu zuen 1981eko otsailaren 23ko estatu kolpea, baina helburua omen zen Alfonso Armada jeneralak gidatuko zuen zibilez osatutako kontzentrazio gobernu bat eratzea, eta Juan Carlos I.ak baimendu egin zuen gobernu hori. Hori dio Carlos Fonseca kazetariak... [+]
Gertaeren bideo bat zabaldu zen sare sozialetan duela hiru aste, baina asteartera arte ez dituzte susmagarriak deklaratzera deitu. “Zauri larriak” egitea leporatu diete Espainiako hiru militarri.
Bardeak Ya plataformak salatu du ostegun iluntzean "bi eztanda handi" entzun zirela Tuteran eta Zaragozako zenbait herritan. Benetako munizioa erabiltzen ari da Espainiako Armada ariketa militarrak egiteko. "Bisitariei ohartarazten ari zaizkie laser armak ere... [+]
Iragan urtarrilaren 20an Espainiako Auzitegi Gorenak berriz erabaki zuenez, Espainiako Defentsa Ministerioak Belaguako mendateko kuartela hartzen duen lurzorua garbi eta egoera onean itzuli beharko dio Erronkari Ibarreko Batzorde Nagusiari.
2023ko atarian, 2022ko zenbakiek protagonismo berezi bat hartzen dute; izan ere, urte aldaketarekin batera, beti saiatzen gara kontagailua zeroan jartzen. Errealitate likidoen aroan, zenbakiek ere gure aditasunetik desagertzen dira ―askotan izugarrizko abiaduraz―, eta... [+]