Eskuin muturreko turkiarrak Öcalanen aldeko martxari eraso egiten saiatu dira

  • Union herrian saiatu dira erasotzen martxako kideak, tartean, Hala Bediko bi lagun. Kide internazionalistek autodefentsaren bidea hartu dute. Orain, zortzigarren etapan, normaltasuna nagusi.

Artikulu hau CC BY-SA 4.0 lizentziari esker ekarri dugu.

2017ko otsailaren 08an - 09:24

Otsailaren 7ko gauean eman zen eraso saiakera. Hala Bediko kideek jakinarazi dutenez, gaua pasatzera joan diren herrian 20-30 turkiar zeuden. Lo egin behar zuten tokira indarrez sartzen saiatu ziren, besteak beste, poliziaren pasibitateari esker. Autodefentsari ekin eta kide kurdu zein internazionalistek barruan eutsi zuten; gainera, martxako emakumeek, emakume bezala, autodefentsa estrategia ere antolatu zuten. Ostean, poliziak ez zien kanpora ateratzen utzi, “segurtasunagatik”.

Çira TV eta Sterk TV telebista kurduek azkar batean eman zuten horren berri. Hori dela eta, alboko herrietako kurduen mobilizazioa oso azkarra izan zen; bideoan ikus daitekeenez, harrera beroa jaso zuten alboko herrietako kurduek Sarre-Unionen; azkenean, gainera, bertan lo egitea erabaki zuten.

Martxan zehar, azken etapan batez ere, Turkiako “Otso Grisen” keinuak ikusi behar izan zituzten kide internazionalistek. “Otso Grisek” eskuin muturreko helburuak aurrera ateratzeko, besteak beste, kurduak hil izan dituzte. Hala Bediko kideek jakinarazi dutenez, tentsio momentu handiak bizi zituzten, baina normaltasunera itzuli da martxa. Larunbatean amaituko da hau, Estrasburgon, martxa eta jaialdi batekin.

Albiste hau Hala Bedik argitaratu du eta CC-by lizentziari esker ekarri dugu ARGIAra.


Kanal honetatik interesatuko zaizu: Kurdistan
2024-03-24 | Aitor Aspuru Saez
Ibrahim Bilmez
"Öcalanen aurkako sistema garatu du Turkiak Imraliko espetxean eta beste preso politikoen aurka baliatu du"

Ibrahim Bilmez abokatua da eta Abdullah Öcalan buruzagi kurdua da bere bezeroa. Bere isolamendua salatu du Euskal Herrian otsailean, Turkiako errepresio eta inpunitate mekanismoak azalduta.


2024-02-15 | El Salto-Hordago
Ocalan, 25 urte preso eta erabat isolaturik, Espainia eta Europar Batasunaren oniritziarekin

1999ko otsailaren 15ean Abdullah Öcalan atxilotu zuten, Kurdistango Langileen Alderdiko (PKK) eta mugimendu independentista kurduko burua. Turkiako zerbitzu sekretuek Kenyan atxilotu zutenetik, Marmara itsasoko uharte batean dagoen Iämralä-ko kartzelan isolatuta... [+]


2024-02-04 | Aitor Aspuru Saez
Lara Vilanova
"Estatu Islamikoko emakumeekin zubiak eraiki genituen elkarrizketarako, baina zintzoak izan behar ginen eta gezurretan ez erori"

Lara Vilanova (1983, Bartzelona) argazkigintza zuzendaria da eta The Return: Life after ISIS, Sinjar, Cuerdas edota Hondarrak filmetan hartu du parte. Abenduan Euskal Herria bisitatu zuen The Purple Meridians topaketetan parte hartzeko Durangon.


Urtzi Urrutikoetxea
"Ohorezko krimenen ondorioz eraildako emakumeen hilkutxak emakumeek eurek eramateak sekulako eragina izan du Kurdistanen"

Urtzi Urrutikoetxea nazioarteko kazetariarekin mintzatu gara Radio Kobanen, iaz idatzitako Kurdistan-Argi bat ekialde hurbilean liburuari buruz. Testuak azken urteetako gertakizunei erreparatzen die, eta atzerago ere begiratzen du herri kurduaren egoera politikoa eta... [+]


Eguneraketa berriak daude